ການເຄື່ອນໄຫວສະເຫຼີມສະຫຼອງແຫ່ງວັນຄ້າຍວັນເກີດປະທານໂຮ່ຈີມິນຄົບຮອບ126ປີ
ງານວາງສະແດງ ປະທານໂຮ່ຈີມິນ - ຜູ້ນຳ
ທີ່ແສນເຄົາລົບຮັກຂອງປະຊາຊົນ ຫວຽດນາມ
(ພາບ: TTXVN)
(vovworld) - ວັນທີ 17/05, ຄະນະຈັດຕັ້ງພິທີສະເຫຼີມສະຫຼອງບັນດາວັນບຸນໃຫຍ່ນະຄອນໂຮ່ຈີມິນ ໄດ້ຈັດຕັ້ງງານວາງສະແດງ “ປະທານໂຮ່ຈີມິນ - ຜູ້ນຳທີ່ແສນເຄົາລົບຮັກຂອງປະຊາຊົນ ຫວຽດນາມ” ແລະ “ຄຸນສົມບັດປະທານໂຮ່ຈີມິນ - ແວ່ນແຍງອັນແຈ້ງໃຫ້ລຸ່ນໜຸ່ມ”. ບັນດາງານວາງສະແດງນີ້ ນອນໃນລະບົບບັນດາເຫດການສະເຫຼີມສະຫຼອງແຫ່ງວັນຄ້າຍວັນເກີດປະທານໂຮ່ຈີມິນຄົບຮອບ 126ປີ. ງານວາງສະແດງ “ປະທານ ໂຮ່ຈີມິນ - ຜູ້ນຳທີ່ແສນເຄົາລົບຮັກຂອງປະຊາຊົນ ຫວຽດນາມ” ໄດ້ຈັດຕັ້ງຢູ່ຖະໜົນທາງຍ່າງ ຫງວຽນເຮ້ວ ໄດ້ວາງສະແດງບັນດາຮູບພາບແນະນຳກ່ຽວກັບຊີວິດ, ການອຸທິດສ່ວນອັນຍິ່ງໃຫຍ່ຂອງປະທານ ໂຮ່ຈີມິນ ສຳລັບພາລະກິດປະຕິວັດຂອງພັກ, ຂອງປະຊາຊົນ ຫວຽດນາມ, ແນະນຳກ່ຽວກັບມໍລະດົກແນວຄິດ, ຄຸນ ສົມບັດຂອງປະທານ ໂຮ່ຈີມິນ. ໃນຂະນະນັ້ນ, ງານວາງສະແດງ “ຄຸນສົມບັດປະທານໂຮ່ຈີມິນ - ແວ່ນແຍງອັນໃສແຈ້ງໃຫ້ລຸ່ນໜຸ່ມ” ຈັດຕັ້ງຢູ່ຖະໜົນ ດົ່ງເຂີຍ ໄດ້ວາງສະແດງບັນດາຮູບພາບ, ເອກະສານອັນລ້ຳຄ່າແນະນຳກ່ຽວກັບມໍລະດົກແນວຄິດ, ຄຸນສົມບັດຂອງປະທານໂຮ່ຈີມິນ ພ້ອມກັບບັນດາຮູບພາບກ່ຽວກັບໝາກຜົນການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດ ໂຮ່ຈີມິນຂອງບັນດາຂະແໜງການ, ຂັ້ນຕ່າງໆໃນບໍລິເວນນະຄອນ.