ປະທານໂຮ່ຈິມີນ ອ່ານຖະແຫລງປະກາດ ເອກະລາດຢູ່
ສະຫນາມຫລວງບາງດີງ ຮ່າໂນ້ຍ 2/9/1945
ພາບ:internet
|
(vovworld)- ວັນທີ 2/9, ປະຊາຊົນໃນທົ່ວປະເທດຫວຽດນາມສະເຫລີມສະຫລອງວັນຊາດ ຫວຽດນາມ ຄົບຮອບ 68 ປີ. ບັນດາຫນັງສືພິມສຳຄັນຢູ່ຫວຽດນາມ ສະບັບອອກວັນທີ 2/9 ໄດ້ໃຫ້ຂ່າວ ແລະ ບົດເນື່ອງໃນໂອກາດວັນຊາດຫວຽດນາມທີ 2/9. ວິທະຍຸກະຈາຍສຽງຫວຽດນາມໄດ້ອອກອາກາດລາຍການພິເສດໃນຕອນເຊົ້າວັນທີ 2/9 ດ້ວຍຫົວຂໍ້ວ່າ: ຂີດຫມາຍໄລຍະເວລາ ແລະ ກຳລັງຫນູນແຫ່ງການພັດທະນາ. ບົດນຳຂອງຫນັງສືພິມເຍີນເຢີນ(ປະຊາຊົນ)ໄດ້ລົງພິມບົດທີ່ມີຫົວຂໍ້ວ່າ: ເສີມຂະຫຍາຍກຳລັງແຮງທົ່ວປວງຊົນທັງຊາດ, ຜ່ານຜ່າຄວາມຫຍຸ້ງຍາກ, ສິ່ງທ້າທາຍ, ຍູ້ແຮງການຫັນປະເທດຊາດເປັນປະເທດອຸດສາຫະກຳທັນສະໄຫມ.” ສ່ວນຫນັງສືພິມ ກວນໂດ້ຍເຍີນເຢີນ(ສຽງຂອງກອງທັບປະຊາຊົນຫວຽດນາມ) ໄດ້ລົງພິມບົດນຳທີ່ມີຫົວຂໍ້ວ່າ: ກຳແຫນ້ນກາລະໂອກາດ, ນຳປະເທດຊາດຜ່ານຜ່າຄວາມຫຍຸ້ງຍາກ, ສິ່ງທ້າທາຍ, ພັດທະນາແບບຍືນຍົງ”. ສ່ວນຫນັງສືພິມ ໄຊງ່ອນປົດປ່ອຍ ໄດ້ລົງພິມບົດຂຽນທີ່ມີຫົວຂໍ້ວ່າ:“ ສິດອຳນາດປະຊາຊົນ” ຢືນຢັນ ການປະຕິວັດເດືອນສິງຫາ, ວັນຊາດທີ 2/9 ແມ່ນບາດລ້ຽວປະຫວັດສາດ ເປີດຍຸກສະໄຫມໃຫມ່, ຍຸກສະໄຫມປະຊາຊົນເປັນເຈົ້າປະເທດຊາດ, ເປັນເຈົ້າຊາກຕະກຳຂອງຕົນ.
ຢູ່ທ້ອງຖິ່ນຕ່າງໆໃນທົ່ວປະເທດຫວຽດນາມ ກໍໄດ້ຈັດການເຄື່ອນໄຫວຫລາຍຢ່າງເພື່ອຂຳ່ນັບຊົມເຊີຍເຫດການດັ່ງກ່າວ. ສູນອະນຸລັກຮັກສາປູຊະນີຍະສະຖານກຸງເກົ່າເຫ້ວ ໄດ້ຈັດງານວາງສະແດງ“ປູຊະນີຍະສະຖານເຫ້ວ, ຄວາມຊົງຈຳ ແລະ ປະຈຸບັນ.” ສ່ວນຢູ່ແຂວງ ມົກເຈົາ ໄດ້ຈັດຕັ້ງລາຍການວັດທະນະທຳວົງຄະນາຍາດບັນດາເຜົ່າ.