ທ່ານ ຫງວຽນທ້ຽນເຍີນ ກ່າວຄຳເຫັນທີ່ກອງປະຊຸມ
(vovworld)- ການເຄື່ອນໄຫວຮັກສາສິ່ງແວດລ້ອມຕ້ອງອີງໃສ່ປະຊາຊົນ ນີ້ແມ່ນຄຳຢືນຢັນຂອງປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍິນ ໃນບົດກ່າວປາໄສຊີ້ນຳກອງປະຊຸມສະເໜີຕົວຄະນະຊີ້ນຳໂຄງການສົມທົບກັນ ເຂົ້າຮ່ວມການການຮັກສາສິ່ງແວດລ້ອມ ແລະ ຮັບມືກັບການປ່ຽນແປງຂອງດິນຟ້າອາກາດ ແລະ ຜັນຂະຫຍາຍບັນດາລາຍການເຄື່ອນໄຫວໄລຍະປີ 2016-2020 ໂດຍຄະນະກຳມະການສູນກາງແນວໂຮມປະເທດຊາດຫວຽດນາມຈັດຕັ້ງໃນວັນທີ 15/04. ເຂົ້າຮ່ວມກອງປະຊຸມ ມີບັນດາຜູ້ມີຍົດຖາບັນດາສັກຂອງ 14 ສາສະໜາໃນທົ່ວປະເທດ, ການນຳກະຊວງຊັບພະຍາກອນ ແລະ ສິ່ງແວດລ້ອມ ແລະ ຜູ້ອຳນວຍການອົງການຈັດຕັ້ງພາກເໜືອເອີລົບໜູນຊ່ວຍຫວຽດນາມ. ທີ່ການປະຊຸມ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍິນ ສະເໜີ ຄວນອີງໃສ່ລັກສະນະພິເສດສະເພາະ, ເງື່ອນໄຂການດຳເນີນຊີວິດ, ປະເພນີຂອງແຕ່ລະສາສະໜາ, ແຕ່ລະທ້ອງຖິ່ນ ເພື່ອກຳນົດໜ້າທີ່, ຄວາມຮັບຜິດຊອບ, ວິທີການລະອຽດໃນການປະຕິບັດບັນດາເນື້ອໃນຂອງໂຄງການສົມທົບກັນ. ທ່ານ ຫງວຽນທ້ຽນເຍິນ ສະເໜີໃຫ້ຜູ້ມີຍົດຖາບັນດາສັກຂອງ 40 ອົງການສາສະໜາໃນທົ່ວປະເທດ ສືບຕໍ່ເສີມຂະຫຍາຍບົດບາດ, ກຳນົດທິດການກະທຳໃນການຮັກສາສິ່ງແວດລ້ອມໃຫ້ປະຊາຊົນຢູ່ວົງຄະນາຍາດຊຸມຊົນຢ່າງສຸດຂີດ. ພ້ອມກັນນັ້ນ ຄວນສົມທົບກັນຢ່າງແໜ້ນແຟ້ນກັບຄະນະກຳມະການສູນກາງແນວໂຮມປະເທດຊາດຫວຽດນາມ, ກະຊວງຊັບພະຍາກອນ ແລະ ສິ່ງແວດລ້ອມ ແລະ ບັນດາອົງການທີ່ກ່ຽວຂ້ອງອື່ນທຸກຂັ້ນ ເພື່ອຂົນຂວາຍໃນການປະຕິບັດ ແລະ ຕິດຕາມກວດກາການປະຕິບັດວຽກງານຮັກສາສິ່ງແວດລ້ອມ, ການຮັບມືກັບການປ່ຽນແປງຂອງດິນຟ້າອາກາດ ຂອງບັນດາອົງການແຫ່ງລັດ, ວິສາຫະກິດ, ອົງການຈັດຕັ້ງ ແລະ ສ່ວນບຸກຄົນທີ່ກ່ຽວຂ້ອງ.