ການເຄື່ອນໄຫວເນື່ອງໃນໂອກາດສະເຫຼີມສະຫຼອງ ວັນຊາດຫວຽດນາມ 2/9 ຢູ່ ລັດເຊຍ ແລະ ມາເລເຊຍ
(ສະເຫຼີມສະຫຼອງວັນຊາດ ຫວຽດນາມ 2/9)
(vovworld)- ວັນທີ 24/8, ສະມາຄົມ ຫວຽດນາມ ຢູ່ນະຄອນ Saint Petersburg ປຸກລະດົມບັ້ນແຜ່ບໍລິຈາກເງິນ ເພື່ອແນໃສ່ຈັດຕັ້ງໃຫ້ແກ່ກຸ່ມອະດີດນັກຊ່ຽວຊານ, ນັກຮົບເກົ່າອະດີດສະຫະພັນ ໂຊຫວຽດ ກັບຄືນມາຢ້ຽມຢາມ ຫວຽດນາມ ເນື່ອງໃນໂອກາດວັນຊາດ ຫວຽດນາມ 2/9. ປະທານສະມາຄົມຊາວ ຫວຽດນາມ ຢູ່ S.Petersburg ທ່ານຫງວຽນດືກຕ່ວານ ໃຫ້ຮູ້ວ່າ ແນວຄວາມຄິດດັ່ງກ່າວໄດ້ເລີ່ມແຕ່ 2 ຫາ 3 ປີ ກ່ອນ. ເພື່ອເຮັດໄດ້ສິ່ງນີ້, ສະມາຄົມຊາວ ຫວຽດນາມ ໄດ້ຂົນຂວາຍການແຜ່ບໍລິຈາກເງິນ ບົນນ້ຳໃຈອາສາສະໝັກ ແລະ ອີງຕາມຄວາມສາມາດຂອງແຕ່ລະຄົນ, ຈາກບັນດານັກຮຽນ, ນັກສຶກສາ ຕະຫຼອດຮອດບັນດານັກຄົ້ນຄ້ວາ, ກຳມະກອນ, ກໍ່ຄືວິສາຫະກິດ. ຈຳນວນເງິນທີ່ແຜ່ບໍລິຈາກໄດ້, ສະມາຄົມ ຈະຈັດຕັ້ງໃຫ້ ບັນດາອະດີດນັກຊ່ຽວຊານ, ນັກຮົບເກົ່າມາຢ້ຽມຢາມ ຫວຽດນາມ ເພື່ອເຫັນປະຈັກຕາການປ່ຽນແປງ ຂອງປະເທດຫວຽດນາມ ແລະ ນ້ຳໃຈຂອງປະຊາຊົນ ຫວຽດນາມ ໃຫ້ແກ່ປະເທດລັດເຊຍ.
ກ່ອນໜ້ານັ້ນ, ຕອນຄ່ຳ ວັນທີ 23/8, ຄະນະຕິດຕໍ່ສື່ສານຊາວ ຫວຽດນາມ ຢູ່ ມາເລເຊຍ ໄດ້ຈັດການພົບປະແລກປ່ຽນ ແລະ ການເຄື່ອນໄຫວສະແດງສິລະປະ ເນື່ອງໃນໂອກາດສະເຫຼີມສະຫຼອງວັນຊາດ ຫວຽດນາມ 2/9. ໃນຂອບເຂດການພົບປະແລກປ່ຽນ, ຜູ້ຕາງໜ້າພະນັກງານ, ກຳມະກອນ ແລະ ນັກສຶກສາ ຫວຽດນາມ ຢູ່ມາເລເຊຍ ໄດ້ຈັດລາຍການສິລະປະທີ່ເປັນເອກະລັກ ດ້ວຍບັນດາບົດເພງຍ້ອງຍໍສັນລະເສີນປະເທດຊາດ,ຍ້ອງຍໍສັນລະເສີນເຂດທະເລໝູ່ເກາະແຫ່ງບ້ານເກີດເມືອງ ນອນ . ເນື່ອງໃນໂອກາດນີ້, ຄະນະຕິດຕໍ່ສື່ສານຊາວ ຫວຽດນາມ ອາໄສຢູ່ ມາເລເຊຍ ໄດ້ປຸກລະດົມການແຜ່ບໍລິຈາກເງິນ ດ້ວຍຫົວຂໍ້ “ ມຸ່ງໄປສູ່ເຂດທະເລ, ໝູ່ເກາະແຫ່ງບ້ານເກີດເມືອງນອນ ”.