ການປະຊຸມຂ່າວແນະນຳລາຍການ ”ຮ່ວມເດີນທາງກັບຜູ້ປະສົບເຄາະຮ້າຍຈາກທາດພິດສີສົ້ມ
ຄວາມມິດຕະພາບຫວຽດນາມ - ສ ເກົາຫຼີ”
(ພາບ: http://congluan.vn)
ລາຍການ ”ຮ່ວມເດີນທາງກັບຜູ້ປະສົບເຄາະຮ້າຍຈາກທາດພິດສີສົ້ມ ຄວາມມິດຕະພາບຫວຽດນາມ - ສ ເກົາຫຼີ” ເລີ່ມດຳເນີນຢ່າງເປັນທາງການໃນວັນທີ 1/11, ຢູ່ທ່າກຳປັ່ນຍ່າຮົ່ງ, ນະຄອນໂຮ່ຈີມິນ. ລາຍການນີ້ ໂດຍສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນຫວຽດນາມ ສົມທົບກັບກຸ່ມສື່ສານວັດທະນະທຳ ສເກົາຫຼີ (MBC) ຈັດຕັ້ງ, ເນື່ອງໃນໂອກາດ 20 ປີ ແຫ່ງວັນສ້າງຕັ້ງການພົວພັນທາງການທູດຫວຽດນາມ - ສເກົາຫຼີ (22/12/1992-22/12/2012) ເຂົ້າຮ່ວມລາຍການມີຊາວຫວຽດນາມ ແລະ ສເກົາຫຼື 18 ຄົນ , ໃນນັ້ນມີຜູ້ປະສົບເຄາະຮ້າຍຈາກທາດພິດສີສົ້ມ, ເຊິ່ງຈະຖີບລົດລຽບຕາມທາງຫຼວງເລກ 1A ຜ່ານ 18 ແຂວງ, ນະຄອນ, ເລີ່ມແຕ່ນະຄອນໂຮ່ຈີມິນ ແລະ ສິ້ນສຸດຢູ່ນະຄອນຫຼວງຮ່າໂນ້ຍ. ທ່ານ Nguyen Van Rinh, ປະທານ ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ຫວຽດນາມ, ໃຫ້ຮູ້ວ່າ:
”ເຖິງວ່າຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນມີສຸຂະພາບບໍ່ແຂງແຮງກໍ່ຕາມ, ແຕ່ເຂົາເຈົ້າຍັງຄົງເຂົ້າຮ່ວມລາຍການດ້ວຍຄວາມຕັດສິນໃຈສູງ, ການເດີນທາງນີ້, ນອກຈາກຈຸດປະສົງຂົນຂວາຍປະຊາຊົນຫວຽດນາມ ແລະ ໂລກສະໜັບສະໜູນໃຫ້ແກ່ຜູ້ປະສົບເຄາະຮ້າຍຈາກທາດພິດສີສົ້ມ ໃນຊີວິດປະຈຳວັນ ແລະ ປິ່ນປົວພະຍາດແລ້ວ, ການເຄື່ອນໄຫວນີ້ຍັງຄົງສ້າງຄວາມສາມັກຄີລະຫວ໋າງປະຊາຊົນຫວຽດນາມກັບປະຊາຊົນໂລກ ເພື່ອສະໜັບສະໜູນການຕໍ່ສູ້ທວງເອົາຄວາມຍຸຕິທຳໃຫ້ຜູ້ປະສົບເຄາະຮ້າຍຈາກທາດພິດສີສົ້ມ /ດີໂອຊິນຫວຽດນາມ”.