(vovworld) - ໂດຍສືບຕໍ່ການເຄື່ອນໄຫວຕ່າງໆຂອງ Festival ເຫ້ວ 2012, ວັນທີ 12/4, ພ້ອມກັບການສະແດງສິລະປະຂອງບັນດາຄະນະສິລະປະກອນຢູ່ສະຖານທີ່ຕ່າງໆໃນບໍລິເວນແຂວງ ເທື່ອທຽນເຫ້ວ, ຕອນຄ່ຳວັນທີ 12/4, ຢູ່ແຄມແມ່ນ້ຳເຮືອງ ຕໍ່ໜ້າປະຕູໂຂງ ຫງໍ້ມົນ, ນະຄອນເຫ້ວ, ໄດ້ຈັດລາຍການສະແດງລະຄອນ “ Thien ha thai binh”.
ແລະກໍໃນຕອນຄ່ຳວັນດຽວກັນ, ຢູ່ບັນດາເວທີສະແດງໃນພະລາດຊະວັງເກົ່າເຫ້ວ ກໍ່ຈັດບັນດາລາຍການຂັບລຳທຳເພັງຂອງຄະນະສິລະປະກອນຕ່າງໆທັງຢູ່ພາຍໃນ ແລະ ຕ່າງປະເທດ.
ຢູ່ວັງເກົ່າ ໄທຮ່ວາ ຂຶ້ນກັບພະລາດຊະວັງເກົ່າເຫ້ວ ກໍ່ຈັດຕັ້ງລາຍການ “ຄ່ຳຄືນຝ່າຍຕາເວັນອອກ”. ລາຍການ “ຄ່ຳຄືນຝ່າຍຕາເວັນອອກ” ນີ້ແມ່ນລາຍການສະແດງຊຸດອາພອນປະຈຳເຜົ່າຕ່າງໆຂອງບັນດາປະເທດອາຊີຄື: ຍີ່ປູ່ນ, ສ ເກົາຫຼີ, ໂມງກົນ, ອິນເດຍ, ໄທ, ກຳປູເຈຍ, ຟິລິບປິນ ແລະ ຫວຽດນາມ.
ການເຄື່ອນໄຫວຕ່າງໆຂອງ Festival ເຫ້ວ 2012 ໄດ້ດຶງດູດການເຂົ້າຮ່ວມຂອງແຂກທ່ອງທ່ຽວພາຍໃນ ແລະ ຕ່າງປະເທດ. ເອ້ືອຍ Charlotte, ນັກສິລະປິນມາຈາກ ຝຣັ່ງໃຫ້ຮູ້ວ່າ:
“ເຫ້ວມີ Festival ຄືແນວນີແມ່ນພິເສດທີ່ສຸດ. ຂ້າພະເຈົ້າມາແຫ່ງນີ້ເພື່ອສະແດງສິລະປະ ແລະ ຂ້າພະເຈົ້າກໍໄດ້ມີໂອກາດເຂົ້າເຖິງວັດທະນະທຳຫວຽດນາມ, ບັນດາວາດຟ້ອນຫວຽດນາມແມ່ນງາມຫຼາຍ. ຂ້າພະເຈົ້າມີຄວາມຜາສຸກເມື່ອມີໜ້າຢູ່ Festival. ນີ້ແມ່ນບັນຍາກາດສະຫງວນແກ່ວັດທະນະທຳຫວຽດນາມ. ຢູ່ປະເທດຝຣັ່ງ, ຂ້າພະເຈົ້າໄດ້ມີໂອກາດຮັບຊົມບັນດາລາຍການຂອງຫວຽດນາມ. ຂ້າພະເຈົ້າເຄິຍໄດ້ຮັບຊົມການຕີກອງ ແລະ ຟ້ອນສິງໂຕ ແຕ່ການສະແດງຢູ່ແຫ່ງນີ້ຍັງບໍ່ທັນໄດ້ຮັບຊົມເທື່ອ. ມ່ວນຫຼາຍ. ພວກເຮົາສາມາດເບິ່ງຜ່ານເຄືອຂ່າຍອີນເຕີນເນັດກໍ່ໄດ້ ແຕ່ວ່າຈະບໍ່ມ່ວນຄືໄດ້ຮັບຊົມຕົວຈິງຄືແນວນີ້.”