ໂຄງປະກອບເສດຖະກິດເຂດທົ່ງພຽງແມ່ນ້ຳຂອງພວມຫັນປ່ຽນຕາມທິດຕັ້ງໜ້າ
(vovworld) – ໃນການເຈລະຈາດ້ວຍຫົວຂໍ້ວ່າ: ”ທົ່ງພຽງແມ່ນ້ຳຂອງດຶງດູດການລົງທຶນໃຫ້ແກ່ການພັດທະນາ” ເຊິ່ງຈັດຂຶ້ນຢູ່ ເກິ່ນເທ ໃນວັນທີ 24/3 ນັ້ນ, ບັນດາແຂກຖືກເຊີນໄດ້ຍົກອອກຫຼາຍມາດຕະການອັນລະອຽດ, ຄົບຊຸດ, ຮອບດ້ານ ເພື່ອສືບຕໍ່ເຮັດໃຫ້ເຂດທົ່ງພຽງແມ່ນ້ຳຂອງພັດທະນາໃນໄລຍະຈະມາເຖິງ. ທ່ານ Nguyen Phong Quang ຮອງຫົວໜ້າຄະນະປະຈຳຄະນະຊີ້ນຳທິດຕາເວັນຕົກຂອງພາກໃຕ້ໃຫ້ຮູ້ວ່າ:
”ໃນໄລຍະ 2011 – 2020 ແມ່ນສຸມໃສ່ກໍ່ສ້າງເຂດທົ່ງພຽງແມ່ນ້ຳຂອງໃຫ້ກາຍເປັນໜຶ່ງໃນບັນດາເຂດເສດຖະກິດຈຸດສຸມ, ມີຄວາມຂະຫຍັນຂັນເຂື່ອນຂອງທົ່ວປະເທດ ດ້ວຍລະດັບພັດທະນາເສດຖະກິດສູງ, ມີປະສິດທິຜົນ ແລະ ໝັ້ນຄົງ, ຕິດພັນກັບການປົກປັກຮັກສາສິ່ງແວດລ້ອມຊີວະພາບ, ເປັນເຈົ້າການຮັບມືກັບການປ່ຽນແປງຂອງດິນຟ້າອາກາດ, ປະຕິບັດວຽກງານລົບລ້າງຄວາມອຶດຫີວ ຫຼຸດຜ່ອນຄວາມທຸກຍາດໃຫ້ດີ, ພ້ອມທັງຍົກສູງຊີວິດທາງດ້ານວັດຖຸ ແລະຈິດໃຈຂອງປະຊາຊົນຂຶ້ນ, ພິເສດແມ່ນຊາວຊົນເຜົ່າຢູ່ໃນເຂດ”.