(vovworld) – ກ່າວຄຳເຫັນທີ່ການເຈລະຈາ, ເຊິ່ງດຳເນີນໄປໃນຕອນເຊົ້າວັນທີ 17/09, ຢູ່ຮ່າໂນ້ຍ, ທ່ານນາງ Ritsu Nacken, ຜູ້ຮັກສາການຫົວໜ້າຜູ້ຕ່າງໜ້າກອງທຶນປະຊາກອນ ສະຫະປະຊາຊາດປະຈຳຫວຽດນາມ ຖືວ່າ: ຫວຽດນາມ ຄວນຫັນຈຸດສຸມຂອງນະໂຍບາຍປະຊາກອນຈາກການຄວບຄຸມການກຳເນີດ ໄປສູ່ການນຳເອົາບັນຫາຫັນປ່ຽນຈຳນວນພົນລະເມືອງເຂົ້າໃນວິວັດການສ້າງແຜນພັດທະນາ. ພ້ອມກັນນັ້ນຫວຽດນາມ ຄວນມີບັນດານະໂຍບາຍບູລິມະສິດກວ່າອີກໃຫ້ວຽກງານຫຼຸດຜ່ອນການຂາດຄວາມສະເໝີພາບລະຫວ່າງຍິງ-ຊາຍ ໃນການສົ່ງເສີມສຸຂະພາບໃນການຮ່ວມດຳເພດສຳພັນ/ສຸຂະພາບຈະເລີນພັນສຳລັບບັນດາກຸ່ມຄົນທີ່ຖືກສ່ຽງໄພສູງກວາເພີ່ນຄືຊາວຊົນເຜົ່າສ່ວນໜ້ອຍ, ຊາວອົບພະຍົບ, ຄົນໜຸ່ມ ແລະ ຜູ້ທີ່ດຳລົງຊີວິດຢູ່ບັນເຂດປະສົບກັບຄວາມຫຍຸ້ງຍາກ.
ທີ່ການເຈລະຈາ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ໄດ້ສະເໜີບົດທາບທາມຄວາມເຫັນ “ຕ້ອງປ່ຽນໃໝ່ນະໂຍບາຍປະຊາກອນຢ່າງຮອບດ້ານ ພາຍຫຼັງບັນລຸອັດຕາເກີດປ່ຽນແທນ ເພື່ອຮັບປະກັນການໃຫ້ການພັດທະນາເສດຖະກິດສັງຄົມພາຍຫຼັງປີ 2015” ຢ່າງໝັ້ນຄົງ. ທ່ານ ຫງວຽນທຽນເຍີນ ກໍຍົກອອກບັນດາມາດຕະການແກ້ໄຂນະໂຍບາຍປະຊາກອນຂອງຫວຽດນາມ ເພື່ອຜັນຂະຫຍາຍບັນດາມາດຕະການນີ້ ຕ້ອງສ້າງຕັ້ງຄະນະກຳມະການແຫ່ງຊາດ ກ່ຽວກັບຈຳນວນພົນລະເມືອງແບບຍືນຍົງ ແລະ ຄອບຄົວຜາສຸກ.