( vovworld ) – ຕອນເຊົ້າວັນທີ 10/4 ຕາມເວລາທ້ອງຖິ່ນ, ພິທີຕ້ອນຮັບທ່ານເລຂາທິການໃຫຍ່ພັກກອມມູນິດຫວຽດນາມ Nguyen Phu Trong ໄປຢ້ຽມຢາມສັນຕະວະໄມຕີສ.ກູຍບາຢ່າງເປັນທາງການ ຕາມຄຳເຊື້ອເຊີນຂອງທ່ານເລຂາທີໜື່ງຄະນະບໍລິຫານງານສູນກາງພັກກອມມູນິດກູຍບາ, ປະທານສະພາແຫ່ງລັດ, ປະທານສະພາລັດຖະມົນຕີສ.ກູຍບາ Raul Castrol Rujo ໄດ້ຈັດຂຶ້ນຢ່າງສົມກຽດຢູ່ນະຄອນຫຼວງ Lahabana.
ພາຍຫຼັງພິທີຕ້ອນຮັບ, ສອງຝ່າຍໄດ້ດຳເນີນການເຈລະຈາ. ການນຳທັງສອງທ່ານໄດ້ເຫັນດີຈະເພີ່ມທະວີບັນດາການພົບປະແລກປ່ຽນຂັ້ນສູງ, ແລກປ່ຽນຄະນະຜູ້ແທນທຸກຂັ້ນ, ແລກປ່ຽນບົດຮຽນຄຸມຄອງເສດຖະກິດ ສັງຄົມ ແລະ ກໍ່ສ້າງພັກກວ່າອີກ; ເພີ່ມທະວີການພົບປະແລກປ່ຽນປະຊາຊົນ, ການສຶກສາລຸ້ນໜຸ່ມສອງປະເທດກ່ຽວກັບຄວາມສາມັກຄີ ແລະ ນ້ຳໃຈອ້າຍນ້ອງຫວຽດນາມ - ກູຍບາ. ສອງຝ່າຍໄດ້ເປັນເອກະພາບນຳກັນຈະຜັດປ່ຽນກັນເປັນເຈົ້າການຈັດຕັ້ງກອງປະຊຸມສຳມະນາທິດສະດີລວມລະຫວ່າງສອງປະເທດ ກ່ຽວກັບຫົວຂໍ້ທີ່ຕາງຝ່າຍຕາງມີຄວາມາສົນໃຈ ແລະ ເນັ້ນໜັກວ່າ, ຈະພ້ອມກັນມານະພະຍາຍາມຊຸກຍູ້ ແລະ ເປີດກວ້າງການຮ່ວມມືດ້ານເສດຖະກິດ, ການຄ້າ, ການລົງທຶນໃຫ້ແທດເໝາະກັບການພົວພັນດ້ານການເມືອງ ແລະ ຄວາມສາມາດບົມຊ້ອນອັນໃຫຍ່ຫຼວງຂອງສອງປະເທດ, ເຫັນດີຍູ້ແຮງການເຄື່ອນໄຫວຂອງຄະນະກຳມະການລະຫວ່າງລັດຖະບານສອງປະເທດ. ການນຳສອງທ່ານໄດ້ເຫັນດີສ້າງເງື່ອນໄຂສະດວກໃຫ້ແກ່ບັນດາວິສາຫະກິດຍູ້ແຮງການຮ່ວມມືກວ່າອີກ, ໃຫ້ບຸລິມະສິດໃນຂົງເຂດມີທ່າແຮງຄື, ນ້ຳມັນອ້າຍແກັດ, ພື້ນຖານໂຄງລ່າງການທ່ອງທ່ຽວ, ກະສິກຳ, ສາທາລະນະສຸກ, ການສຶກສາ, ໂທລະຄົມມະນາຄົມ, ການບໍລິການ ….
ສິ້ນສຸດການເຈລະຈາ, ທ່ານປະທານ Raul Castrol ໄດ້ປະດັບຫຼຽນໄຊ Jose Marti, ເຊິ່ງແມ່ນຫຼຽນໄຊອັນສູງສົ່ງຂອງພັກ, ລັດ ແລະ ປະຊາຊົນກູຍບາ ໃຫ້ທ່ານເລຂາທິຫານໃຫຍ່ Nguyen Phu Trong. ເນື່ອງໃນໂອກາດນີ້, ທ່ານເລຂາທິຫານໃຫຍ່ Nguyen Phu Trong ໄດ້ແຈງໃຫ້ຊາບວ່າ, ພັກ, ລັດ ແລະ ປະຊາຊົນຫວຽດນາມ ໄດ້ມອບໃຫ້ປະຊາຊົນກູຍບາ ອ້າຍນ້ອງເຂົ້າສານ 5000 ໂຕນ, ສະແດງໃຫ້ເຫັນຈິດໃຈສາມັກຄີ ແລະ ມິດຕະພາບລະຫວ່າງສອງປະເທດ.