ການເຈລະຈາລະຫວ່າງສອງຄະນະພະນັກງານການເມືອງຂັ້ນສູງກອງທັບປະຊາຊົນຫວຽດນາມ-ລາວ
ພາບປະກອບ
(vovworld)- ໃນຂອບເຂດການຢ້ຽມຢາມ ແລະ ເຮັດວຽກຢູ່ ຫວຽດນາມ, ຕອນບ່າຍວັນທີ 12/8, ຢູ່ກອງບັນຊາການທະຫານເຂດ 5 ໄດ້ດຳເນີນການເຈລະຈາລະຫວ່າງ ຄະນະພະນັກງານການເມືອງຂັ້ນສູງກອງທັບປະຊາຊົນ ຫວຽດນາມ ໂດຍ ທ່ານພົນໂທ ໂງຊວນລີ້ກ, ຫົວໜ້າກົມໃຫຍ່ການເມືອງກອງທັບປະຊາຊົນ ຫວຽດນາມ ເປັນຫົວໜ້າຄະນະ ແລະ ຄະນະພະນັກງານການເມືອງຂັ້ນສູງກອງທັບປະຊາຊົນ ລາວ ໂດຍທ່ານພົນຕີ ວິໄລຫລ້າຄຳພົງ, ຜູ້ຮັກສາການຫົວໜ້າກົມໃຫຍ່ການເມືອງກອງທັບປະຊາຊົນປະຕິວັດລາວ ເປັນຫົວໜ້າຄະນະ. ທີ່ການເຈລະຈາ, ສອງຝ່າຍຕົກລົງສືບຕໍ່ຊຸກຍູ້ເຄື່ອນໄຫວການສຶກສາ, ໂຄສະນາ, ຍົກສູງຄວາມຮັບຮູ້ ກ່ຽວກັບຄວາມໝາຍ, ຄວາມສຳຄັນ ຂອງການເພີ່ມທະວີສາຍພົວພັນແບບພິເສດ ລະຫວ່າງ ສອງປະເທດ, ສອງກອງທັບ ຫວຽດນາມ-ລາວໃນສະພາບການໃໝ່; ສົມທົບກັນຈັດຕັ້ງບັນດາການເຄື່ອນໄຫວ ເນື່ອງໃນໂອກາດສະເຫຼີມສະຫຼອງ 37 ປີ ແຫ່ງວັນລົງນາມໃນສົນທິສັນຍາມິດຕະພາບ ແລະ ການຮ່ວມມື ຫວຽດນາມ-ລາວ, 69 ປີ ແຫ່ງວັນຊາດ ຫວຽດນາມ, 39 ປີ ແຫ່ງວັນຊາດ ລາວ, 70 ປີ ແຫ່ງວັນສ້າງຕັ້ງກອງທັບປະຊາຊົນຫວຽດນາມ ໃຫ້ເປັນຢ່າງດີ. ສອງຝ່າຍສືບຕໍ່ຜັນຂະຫຍາຍວຽກງານບູລະນະ, ຍົກລະດັບອະນຸສາວະລີນັກຮົບ ຫວຽດນາມ ແລະ ລາວ ທີ່ໄດ້ເສຍສະຫຼະຊີວິດເພື່ອຊາດ; ຜັນຂະຫຍາຍວຽກງານທ້ອນໂຮມອັດຖິນັກຮົບອາສາສະໝັກ ຫວຽດນາມ ທີ່ໄດ້ເສຍສະຫຼະຊີວິດຢູ່ ລາວ, ໃຫ້ຖືກຕ້ອງຕາມແຜນການ.