(vovworld) - ໃນຂອບເຂດສະໄໝປະຊຸມຄັ້ງທີ 35 ຂອງຄະນະກຳມະການລະຫວ່າງລັດຖະບານກ່ຽວກັບການຮ່ວມມືເສດຖະກິດ, ວັດທະນະທຳ, ການສຶກສາ ແລະ ວິທະຍາສາດເຕັກນິກ ລະຫວ່າງຫວຽດນາມ - ລາວ, ຕອນເຊົ້າວັນທີ 19/12, ຢູ່ທີ່ແຂວງ ວິງຟຸ໋ກ, ທ່ານຮອງນາຍົກລັດຖະມົນຕີ ຫງວຽນຊວງຟຸກ ແລະ ທ່ານຮອງນາຍົກລັດຖະມົນຕີລາວ ສົມສະຫວາດ ເລັ່ງສະຫວັດ ເປັນປະທານກອງປະຊຸມເຈລະຈາລະຫວ່າງວິສາຫະກິດຫວຽດນາມ - ລາວ. ນະທີ່ນີ້, ທ່ານຮອງນາຍົກລັດຖະມົນຕີ ຫງວຽນຊວນຟຸກ ແລະ ທ່ານຮອງນາຍົກລັດຖະມົນຕີລາວ ສົມສະຫວາດ ເລັ່ງສະຫວັດໄດ້ສະເໜີໃຫ້ບັນດາວິສາຫະກິດປະຕິບັດບັນດາຂໍ້ຕົກລົງທີ່ໄດ້ຮັບການລົງນາມລະຫວ່າງ 2 ລັດຖະບານຢ່າງຂັ້ນງວດ. ມີກົນໄກແລກປ່ຽນຂໍ້ມູນຂ່າວສານເປັນປະຈຳ, ແກ້ໄຂບັນດາຄວາມຫຍຸ້ງຍາກທີ່ເກີດຄືນໃໝ່ຢ່າງທັນການ, ບັນດານັກລົງທຶນ, ວິສາຫະກິດສຸມທຸກແຫຼ່ງກຳລັງເພື່ອຮັບປະກັນລະດັບຄວາມຄືບໜ້າຂອງການລົງທຶນ, ໂດຍສະເພາະແມ່ນບັນດາໂຄງການເຂື່ອນໄຟຟ້ານ້ຳຕົກ, ຢາງພາລາ, ທາດເຄມີ. ກ່າວຄຳເຫັນທີ່ການເຈລະຈາ, ທ່ານຮອງນາຍົກລັດຖະມົນຕີລາວ ສົມສະຫວາດ ເລັ່ງສະຫວັດ ຊີ້ແຈ້ງວ່າ.
“ຂ້າພະເຈົ້າປາດຖະໜາວ່າສອງຝ່າຍພ້ອມກັນຄົ້ນຄວ້າ ບົນຈິດໃຈຮັກສາ ແລະ ເສີມຂະຫຍາຍມູນເຊື້ອລະຫວ່າງສອງປະເທດ, ມີວິໄສທັດໃໝ່ ເພາະ ລາວ ແລະ ຫວຽດນາມ ລ້ວນແຕ່ແມ່ນສະມາຊິກຂອງອົງການ WTO, ສະມາຊິກຂອງ ອາຊຽນ, ຍົກສູງກຳລັງແຮງພາຍໃນເພື່ອໃຫ້ວິສາຫະກິດສອງປະເທດພັດທະນາໃນເງື່ອນໄຂໃໝ່. ເຮັດແນວໃດເພື່ອການເຄື່ອນໄຫວລົງທຶນ, ການຄ້ານັບມື້ນັບມີປະສິດທິຜົນ. ປີ 2012 ນີ້ ເຊິ່ງແມ່ນປີສາມັກຄີມິດຕະພາບພິເສດ, ຫວັງວ່າ ການຮ່ວມມືເສດຖະກິດຈະສົມກັບການຮ່ວມມືທາງດ້ານການເມືອງ ແລະ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ ລະຫວ່າງສອງປະເທດ”.