(ພາບປະກອບ)
(vovworld) – ກອງປະຊຸມເຈລະຈາຄັ້ງທີ 3 ສັນຍາກ່ຽວກັບການສົ່ງເສີມ ແລະ ສ້າງຄວາມສະດວກໃຫ້ການຄ້າໃນເຂດສາມຫຼ່ຽມພັດທະນາ ລາວ - ຫວຽດນາມ - ກຳປູເຈຍ (CLV) ຖືກຈັດຕັ້ງໃນລະຫວ່າງວັນທີ 23 – 24/9 ຢູ່ແຂວງ ຈຳປາສັກ, ປະເທດ ລາວ ດ້ວຍການເຂົ້າຮ່ວມຂອງຜູ້ແທນມາຈາກ ລາວ, ກຳປູເຈຍ ແລະ ຫວຽດນາມ 70 ທ່ານ. ຄະນະຜູ້ແທນ ຫວຽດນາມ ໂດຍທ່ານ ເລອານຫາຍ, ຮອງຫົວໜ້າກົມການຕະຫລາດ ອາຊີ - ປາຊີຟິກ, ກະຊວງອຸດສາຫະກຳ ແລະ ການຄ້າ ນຳໜ້າ ເຂົ້າຮ່ວມກອງປະຊຸມ. ກອງປະຊຸມໄດ້ປຶກສາຫາລືຫລາຍບັນຫາ, ພິເສດແມ່ນບັນຫາກ່ຽວຂ້ອງເຖິງບັນດາຂະແໜງການຄື: ກະສິກຳ, ເຄື່ອງປ່າຂອງດົງ, ຄົມມະນາຄົມ ແລະ ຂົນສົ່ງ, ການປ້ອງກັນຄວາມສະຫງົບ…ເພື່ອໄປສູ່ຄວາມເຫັນດີເປັນເອກະພາບບັນດເນື້ອໃນໃນຮ່າງສັນຍາທີ່ໄດ້ສ້າງມາແຕ່ກອງປະຊຸມຄັ້ງກ່ອນ. ການສ້າງສັນຍານີ້ ເພື່ອແນໃສ່ຜັນຂະຫຍາຍຢ່າງລະອຽດຖະແຫຼງການຮ່ວມກ່ຽວກັບການຮ່ວມມືເຂດສາມຫຼ່ຽມພັດທະນາຄັ້ງທີ 8 ຊຶ່ງຈັດຕັ້ງຢູ່ນະຄອນຫລວງ ວຽງຈັນ, ປະເທດ ລາວ ເມື່ອທ້າຍປີກ່າຍ, ເພື່ອແນໃສ່ສົ່ງເສີມການແລກປ່ຽນສິນຄ້າລະຫວ່າງບັນດາແຂວງຂອງ 3 ປະເທດກໍຄືຊຸກຍູ້ບັນດາໂຄງການຮ່ວມມືດ້ານການຄ້າພາຍໃນ ແລະ ນອກພາກພື້ນ.