ປະຊາຊົນຢູ່ຄ້າຍລີ້ໄພ (ພາບ: Getty Images/TTXVN)

ການເຈລະຈາໄດ້ດຳເນີນໃນສະພາບການ ຊູດັງ ພວມປະເຊີນໜ້າກັບວິກິດການດ້ານມະນຸດສະທຳຢ່າງຮ້າຍແຮງທີ່ສຸດໃນໂລກ ນັບແຕ່ເວລາການປະທະກັນເກີດຂຶ້ນເມື່ອເດືອນເມສາປີ 2023 ລະຫວ່າງກອງທັບລັດຖະບານ ຊູດັງ ແລະ ກຳລັງເຄິ່ງທະຫານ ໜູນຊ່ວຍໂດຍໄວ (RSF).

ທ່ານໂຄສົກຂອງຄະນະປະຕິບັດງານ ອາເມລິກາ ປະຈຳ ເຊີແນວ ຢັ້ງຢືນວ່າການເຈລະຈາໄດ້ເລີ່ມຕົ້ນຢ່າງຖືກຕ້ອງຕາມແຜນການນັບທັງເວລາທີ່ບໍ່ມີການເຂົ້າຮ່ວມຂອງຜູ້ຕາງໜ້າລັດຖະບານ ຊູດັງ. ການເຈລະຈາອາດຈະແກ່ຍາວເຖິງ 10 ວັນ ດ້ວຍຮູບແບບກອງປະຊຸມລັບ ເຊິ່ງບໍ່ໄດ້ເປີດເຜີຍສະຖານທີ່ຢູ່ ສະວິດ. ບັນດາການເຈລະຈາໂດຍ ອາຣັບບິ ຊາອຸດິ ແລະ ສະວິດຮ່ວມກັນຈັດຂຶ້ນ, ສະຫະພັນ ອາບຟຼິກກາ (AU), ເອຢິບ, ສະຫະລັດ ອາຣັບ ເອມີເລດ (UAE) ແລະ ສປຊ ສວມບົດບາດເປັນກຸ່ມແນະນຳ.