ທ່ານທູດພິເສດ Cheikh Ahmed
(ພາບ: AFP/TTXVN)
(vovworld) – ວັນທີ 30/4, ຢູ່ ຄູເວດ,ບັນດາຝ່າຍປະທະກັນຢູ່ Yemen ເລີ່ມດຳເນີນການເຈລະຈາໂດຍກົງກ່ຽວກັບ “ບັນດາບັນຫາຫຼັກແຫຼ່ງ” ໃນຄວາມມານະພະຍາຍາມເພື່ອແນໃສ່ຢຸດຕິສົງຄາມກາງເມືອງທີ່ແກ່ຍາວເປັນເວລາ 13 ເດືອນຢູ່ປະເທດ ອາຣັບນີ້. ບັນດາບັນຫາຫຼັກແຫຼ່ງເຊິ່ງລວມມີ: ການຖອນບັນດາກຸ່ມປະກອບອາວຸດ, ມອບສົ່ງອາວຸດໜັກ, ເຊື່ອມຕໍ່ວິວັດທະນາການມອບສົ່ງຕໍ່ການເມືອງ ແລະ ປ່ອຍຕົວນັກໂທດ. ທ່ານທູດພິເສດ Cheikh Ahmed, ໄດ້ຮັບຮູ້ວ່າ “ນີ້ແມ່ນການເປີດສາກທີ່ເປັນໜ້າສົງເສີມ”. ເຖິງຢ່າງໃດກໍ່ຕາມ, ທ່ານທູດພິເສດ Ahmed ເນັ້ນໜັກວ່າ: ຍັງມີຫຼາຍຂໍ້ຕິດຂັດໃນຕໍ່ໜ້າ ແລະ ຫຼາຍແນວຄວາມຄິດຍັງຫ່າງໄກຢູ່.
ຮອບເຈລະຈາໂດຍກົງຄັ້ງນີ້ດຳເນີນໄປພາຍຫຼັງຄະນະປະຕິບັດງານຂອງລັດຖະບານ Yemen ແລະ ບັນດາກຸ່ມທະຫານກະບົດເຫັນດີເປັນເອກະສັນຂອບເຂດລວມເພື່ອປຶກສາຫາລືມາດຕະການການເມືອງ ແລະ ຄວາມສະຫງົບເພື່ອແນໃສ່ຢຸດຕິການປະທະກັນທີ່ແກ່ຍາວເປັນ 13 ເດືອນຜ່ານມາ. ນອກນັ້ນ, ທະຫານກະບົດສະເໜີສ້າງຕັ້ງອົງການດ້ວຍຄວາມເຫັນດີເຫັນພ້ອມເພື່ອຕິດຕາມວິວັດການມອບສົ່ງຕໍ່ ແລະ ຍົກເລີກສະພາບການປິດລ້ອມເຊິ່ງທະຫານປະສົມ ອາຣັບ ໂດຍ ອາຣັບບີ ຊະອຸດິ ນຳໜ້າຈັດວາງຢູ່ Yemen.