(vovworld) - ສຳນັກຂ່າວສານ Yonhap ຂອງ ສ ເກົາຫຼີ ໄດ້ຄັດສະເໜີຄຳເວົ້າຂອງເຈົ້າໜ້າທີ່ກະຊວງທ້ອນໂຮມປະເທດເປັນເອກະພາບ ປະເທດນີ້ໂດຍໃຫ້ຮູ້ວ່າ ການເຈລະຈາຂັ້ນນັກວິຊາການ ຄັ້ງທີ 3 ລະຫວ່າງ ສ ເກົາຫຼີ ແລະ ສປປ ເກົາຫຼີ, ຖືກດຳເນີນໃນວັນທີ 15/7, ກ່ຽວກັບການເຊື່ອມຕໍ່ການເຄື່ອນໄຫວຂອງເຂດອຸດສາຫະກຳຮ່ວມ Kaesong ໄດ້ສິ້ນສຸດລົງແຕ່ບໍ່ບັນລຸໄດ້ຂໍ້ຕົກລົງໃດໆ. ຄະນະປະຕິບັດງານ ສ ເກົາຫຼີ ໂດຍທ່ານ Kim Kiwoong, ຫົວໜ້າຄະນະຄົນໃໝ່ນຳໜ້າ. ຝ່າຍ ສປປ ເກົາຫຼີ ຍັງແມ່ນທ່ານ Park Chol – su, ຮອງຫົວໜ້າຫ້ອງວ່າການປະສົມເຂດຄຸ້ມຄອງເຂດອຸສາຫະກຳຮ່ວມ Kaesong, ເປັນຫົວໜ້າຄະນະ. ຕາມ Yonhap ແລ້ວ, ການເຈລະຈາຖືກປະລາໄຊ ຍ້ອນທັງ 2 ຝ່າຍຍັງມີຄວາມບໍ່ລົງລອຍກັນກ່ຽວກັບວິທີເຊື່ອມຕໍ່ການເຄື່ອນໄຫວຂອງເຂດອຸດສາຫະກຳຮ່ວມ Kaesong. ຮອບເຈລະຈາຄັ້ງທີ 2, ຖືກດຳເນີນໃນວັນທີ 10/7 ຜ່ານມາ, ກໍ່ປະລາໄຊ ຍ້ອນບັນດາຄວາມບໍ່ລົງລອຍກັນທີ່ຄ້າຍຄືກັນ. ທີ່ການເຈລະຈາຄັ້ງຕ່າງໆ, ສ ເກົາຫຼີ ສະເໜີໃຫ້ ສປປ ເກົາຫຼີ ຮັບຜິດຊອບຕໍ່ບັນດາຄວາມເສຍຫາຍເຊິ່ງບັນດາບໍລິສັດຂອງ ສ ເກົາຫຼີ ຕ້ອງໄດ້ແບກຫາບ ຍ້ອນພຽງຢາງໄດ້ປິດປະຕູເຂດອຸດສາຫະກຳຮ່ວມ Kaesong ພຽງຝ່າຍດຽວເມື່ອເດືອນ 4 ຜ່ານມາ. ສ່ວນຝ່າຍ ພຽງຢາງ ກ່າວຜູກໂທດ ເຊີອູນ ຕ້ອງຮັບຜິດຊອບກ່ຽວກັບເລື່ອງເຂດອຸດສະຫະກຳຮ່ວມ Kaesong ຢຸດການເຄື່ອນໄຫວ ແລະ ເນັ້ນໜັກວ່າເຂດອຸດສາຫະກຳນີ້ຖືກປິດປະຕູຍ້ອນບັນດາການຊ້ອນຮົບຮ່ວມລະຫວ່າງ ສ ເກົາຫຼີ ແລະ ອາເມລິກາ ເປັນຕົ້ນ.