ການເດີນຂະບວນ ຢູ່ ເວເນຊູເອລາ ຄັດຄ້ານບັນດາມາດຕະການລົງໂທດຂອງ ອາເມລິກາ
(VOVWORLD) - ວັນທີ 10 ສິງຫາ, ປະຊາຊົນ ເວເນຊູເອລາ ນັບແສນຄົນ ໄດ້ເຂົ້າຮ່ວມການເດີນຂະບວນຄັ້ງໃຫຍ່ຢູ່ ນະຄອນຫຼວງ Caracas ແລະ ຫຼາຍນະຄອນໃນທົ່ວປະເທດ ເພື່ອສະແດງການສະໜັບສະໜູນລັດຖະບານຂອງທ່ານປະທານາທິບໍດີ Nicolas Maduro ແລະ ຄັດຄ້ານຕໍ່ບັນດາມາດຕະການລົງໂທດ ເຊິ່ງອໍານາດການປົກຄອງ ອາເມລິກາ ຫາກໍຮັບຮອງເອົາ ເພື່ອແນໃສ່ຈໍາກັດພື້ນຖານເສດຖະກິດຂອງປະເທດ ອາເມລິກາໃຕ້ ນີ້.
 ປະຊາຊົນ ເວເນຊູເອລາ ນັບແສນຄົນ ໄດ້ເຂົ້າຮ່ວມການເດີນຂະບວນຄັ້ງໃຫຍ່ຢູ່ ນະຄອນຫຼວງ Caracas ແລະ ຫຼາຍນະຄອນໃນທົ່ວປະເທດ (ພາບ:: AFP/ TTXVN |
ກ່າວຄໍາເຫັນຕໍ່ປະຊາຊົນນຸ່ງເສື້ອແດງຈໍານວນຫຼວງຫຼາຍ ຢູ່ຕາມເສັ້ນທາງຫຼວງໃນໃຈກາງນະຄອນຫຼວງ, ທ່ານປະທານາທິບໍດີ Nicolas Maduro ຢັ້ງຢືນວ່າ ນີ້ແມ່ນການພິສູດໃຫ້ເຫັນວ່າ ປະຊາຊົນ ເວເນຊູເອລາ ຈະບໍ່ຍອມຈໍານົນຕໍ່ອໍານາດບາດໃຫຍ່, ນັ້ນແມ່ນໄຊຊະນະຂອງບັນດາປະເທດ ຮັກຫອມສັນຕິພາບໃນໂລກ ຕໍ່ໜ້າ “ບັນດານະໂຍບາຍບຸກໂຈມຕີທີ່ມີລັກສະນະຈັກກະພັດຂອງ ວໍຊີຕັນ”. ສິ້ນສຸດງານໂຮມຊຸມນຸມ ມິດຕິງ, ທ່ານປະທານາທິບໍດີ Nicolas Maduro ພ້ອມດ້ວຍບັນດາເຈົ້າໜ້າທີ່ລັດຖະບານ ແລະ ປະຊາຊົນ ເວເນຊູເອລາ ໄດ້ເຂົ້າຮ່ວມການລົງລາຍເຊັນໃສ່ຖະແຫຼງການສະບັບໜຶ່ງຄັດຄ້ານການປິດລ້ອມຂອງ ອາເມລິກາ ສໍາລັບປະເທດ ອາເມລິກາໃຕ້ນີ້. ເອກະສານສະບັບດັ່ງກ່າວ ຈະຢືນສະເໜີຕໍ່ ເລຂາທິການໃຫຍ່ ສປຊ ໃນໄລຍະຈະມາເຖິງ.