ກອງປະຊຸມຄົບຄະນະ “ໂຄງການໜູນ
ຊ່ວຍສາກົນ (ISG) ປີ 2016”.
(vovworld) - ວັນທີ 06/12 ຢູ່ ຮ່າໂນ້ຍ, ກະຊວງກະສິກຳ ແລະ ພັດທະນາຊົນນະບົດໄດ້ຈັດຕັ້ງກອງປະຊຸມຄົບຄະນະ “ໂຄງການໜູນຊ່ວຍສາກົນ (ISG) ປີ 2016”. ບັນດາຜູ້ແທນໄດ້ຕີລາຄາຄືນບັນດາໝາກຜົນ. ສິ່ງທ້າທາຍ ແລະ ບົດຮຽນໃນການຮັບມືຢ່າງຮີບດ່ວນກັບໄພແຫ້ງແລ້ງ, ນ້ຳທະເລຊຶມເຂົ້າ, ນ້ຳແກ່ງໂດຍການປ່ຽນແປງຂອງດິນຟ້າອາກາດກໍ່ຂຶ້ນ ໃນໄລຍະຜ່ານມາຢູ່ ຫວຽດນາມ. ກ່າວຄຳເຫັນທີ່ກອງປະຊຸມ, ທ່ານ ຫງວຽນຊວນເກືອງ ລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ໃຫ້ຮູ້ວ່າ: ລັດຖະບານ ຫວຽດນາມ ໄດ້ມີບັນດາການກະທຳຢ່າງຂ້ຽວຂາດໃນການສ້າງໂຄງປະກອບເສດຖະກິດຄືນໃໝ່, ສ້າງໂຄງປະກອບກະສິກຳຄືນໃໝ່ ເພື່ອຮັບມືກັບການປ່ຽນແປງຂອງດິນຟ້າອາກາດ. ປະຈຸບັນ ກະຊວງກະສິກຳ ແລະ ພັດທະນາຊົນນະບົດພວມພ້ອມກັບທ້ອງຖິ່ນຕ່າງໆ ວາງບັນດາໂຄງການດັດປັບໃຫ້ເໝາະສົມ. ລັດຖະບານ ຫວຽດນາມ ຍາມໃດກໍ່ພ້ອມແລ້ວທີ່ຈະເຂົ້າຮ່ວມບັນດາຄວາມມານະພະຍາຍາມລວມຂອງປະຊາຄົມສາກົນ ເພື່ອແນໃສ່ຮັບມືກັບການປ່ຽນແປງຂອງດິນຟ້າອາກາດ ນັບທັງການການປັບຕົວ ແລະ ການຫລຸດຜ່ອນ ທ່ານ ຫງວຽນຊວນເກືອງ ຖືວ່າ:
“ເປັນເຈົ້າການຮັບມືກັບການປ່ຽນແປງຂອງດິນຟ້າອາກາດ ຕ້ອງຍົກອອກບັນດາໝວດມາດຕະການ, ໃນບັນດາມາດຕະການຕ້ອງມີການຮ່ວມສຳພັນຕາມເຂດ ຈາກນັ້ນ ຈຶ່ງແກ້ໄຂໄດ້ບັນຫາຕົ້ນຕໍ. ກ່ຽວກັບມາດຕະການສັງລວມ ພວກເຮົາ ບໍ່ພຽງແຕ່ເອົາໃຈໃສ່ເຖິງບັນດາມາດຕະການກ່ຽວກັບການຈັດຕັ້ງການຜະລິດເທົ່ານັ້ນ ຫາກຍັງຕ້ອງນຳໃຊ້ບັນດາ “ມາດຕະການເຂັ້ມແຂງ” ກ່ຽວກັບໂຄງການ ແລະ “ມາດຕະການອ່ອນໂຍນ” ອີກດ້ວຍ ຈັດຕັ້ງວິທີການຜະລິດຄືນໃໝ່ ເພື່ອຮັບປະກັນການພັດທະນາແບບຍືນຍົງ .”