(vovworld)- 8 ໂມງເຊົ້າຂອງວັນທີ 11/9, ບັນດາສະຖານທີ່ປ່ອນບັດເລືອກຕັ້ງຢູ່ ສິງກະໂປ ໄດ້ເລີ່ມຕົ້ນເປີດປະຕູ ເພື່ອຕ້ອນຮັບຜູ້ມີສິດເລືອກຕັ້ງ 2.466.977 ຄົນ ເຂົ້າຮ່ວມການເລືອກຕັ້ງທົ່ວປະເທດ. ຕາມອົງການເລືອກຕັ້ງສິງກະໂປແລ້ວ, ໃນການເລືອກຕັ້ງປີນີ້ ຈຳນວນຜູ້ມີສິດເລືອກຕັ້ງເຂົ້າຮ່ວມການເລືອກຕັ້ງໄດ້ເພີ່ມຂຶ້ນ 110.720 ຄົນເມື່ອທຽບໃສ່ປີ 2011. ຜູ້ມີສິດເລືອກຕັ້ງໄປປ່ອນບັດເພື່ອເລືອກຕັ້ງ ສະມາຊິກສະພາແຫ່ງຊາດ 89 ຄົນ. ບັນດາໝາກຜົນແຫ່ງການສຳຫລວດກ່ອນນັ້ນໃຫ້ເຫັນວ່າ ພັກເຄື່ອນໄຫວເພື່ອປະຊາຊົນ (PAP) ກຳອຳນາດເກືອບຄືວ່າຈະຍາດໄດ້ໄຊຊະນະຢ່າງແນ່ນອນ ແລະ ສ້າງຕັ້ງລັດຖະບານໃຫມ່. ຕາມການສັງເກດຂອງວົງການນັກໄຈ້ແຍກແລ້ວ, ການເລືອກຕັ້ງຄັ້ງນີ້ ຈະກຳນົດທິດທາງການພັດທະນາໃນອະນາຄົດຂອງ ສິງກະໂປ ໃນສະພາບການໃຫມ່ທັງຢູ່ພາຍໃນ ແລະ ຕ່າງປະເທດ.
ຄາດວ່າ ໝາກຜົນການເລືອກຕັ້ງເບື້ອງຕົ້ນຈະໄດ້ຮັບການປະກາດໃນຕອນ 10 ໂມງຄ່ຳວັນທີ 11/9 ພາຍຫລັງ2 ຊົ່ວໂມງ ທີ່ບັນດາສະຖານທີ່ປ່ອນບັດເລືອກຕັ້ງອັດປະຕູ .