ການເລືອກຕັ້ງປະທານາທິບໍດີຢູ່ ເວນຊູເອລາ
(ພາບ: cafef.vn)
(vovworld)- ບັນດາສະຖານທີ່ເລືອກຕັ້ງຢູ່ເວເນຊູເອລາ ໄດ້ເລີ່ມເປີດປະຕູໃນວັນທີ 14/4, ເພື່ອຕ້ອນຮັບຜູ້ມີສິດເລືອກຕັ້ງເກືອບ 19 ລ້ານຄົນມາປ່ອນບັດເລືອກຕັ້ງປະທານາທິບໍດີ, ໃນນັ້ນ, ຜູ້ຮັກສາການປະທານາທິບໍດີ Nicolas Maduro ແລະ ຜູ້ຕາງໜ້າຂອງຝ່າຍຄ້ານ Henrique Capriles ໄດ້ຮັບການຕີລາຄາວ່າແມ່ນຜູ້ອອກສະໝັກຮັບເລືອກຕັ້ງທີ່ມີໂອກາດໄດ້ຮັບໄຊຊະນະ. ກ່ອນການເລືອກຕັ້ງ, ຜູ້ຮັກສາການປະທານາທິບໍດີ Nicolas Maduro ໃຫ້ຄຳໝັ້ນສັນຍາວ່າຍາມໃດກໍ່ມີຄວາມຈົ່ງຮັກພັກດີກັບແນວທາງຝ່າຍຊ້າຍຢ່າງເດັດຂາດ, ທ່ານຈະສືບຕໍ່ເປີດກ້ວາງບັນດາລາຍການສັງຄົມເພື່ອຄົນທຸກຍາກຊື່ງໄດ້ຮັບການຜັນຂະຫຍາຍໃນ 10 ປີຜ່ານມາ. ທ່ານຍັງໃຫ້ຄຳໝັ້ນສັນຍາຈະຍູ້ແຮງການກໍ່ສ້າງພື້ນຖານໂຄງລ່າງ ແລະ ແກ້ໄຂສະພາບຂາດຄວາມສະຫງົບປອດໄພ….. ຕາມໝາກຜົນການຢັ່ງຫາງສຽງກ່ອນການເລືອກຕັ້ງແລ້ວ, ອັດຕາສ່ວນຂອງຜູ້ມີສິດເລືອກຕັ້ງສະໜັບສະໜູນຜູ້ຮັກສາການປະທານາທິບໍດີ Nicolas Maduro ຍາມໃດກໍ່ລື່ນກາຍທ່ານ Henrique Capriles ຢ່າງໜ້ອຍສຸດແມ່ນ 10%.