(vovworld) -ໂດຍສືບຕໍ່ລາຍການເຮັດວຽກຂອງກອງປະຊຸມສະໄໝສາມັນເທື່ອທີ 10, ສະພາແຫ່ງຊາດຊຸດທີ 13, ຕອນເຊົ້າວັນທີ 24/11, ບັນດາສະມາຊິກສະພາແຫ່ງຊາດໄດ້ປຶກສາຫາລື ແລະ ລົງມະຕິຮັບຮອງເອົາໃບສະເໜີຂອງຄະນະປະຈຳສະພາແຫ່ງຊາດ ກ່ຽວກັບເລື່ອງຕົກລົງວັນເລືອກຕັ້ງ, ສ້າງຕັ້ງສະພາເລືອກຕັ້ງແຫ່ງຊາດ, ເລືອກຕັ້ງສະມາຊິກສະພາແຫ່ງຊາດຊຸດທີ 14 ແລະ ສະມາຊິກສະພາປະຊາຊົນທຸກຂັ້ນອາຍຸການ 2016 – 2021; ສະເໜີບຸກຄະລາກອນເພື່ອໃຫ້ສະພາແຫ່ງຊາດເລືອກຕັ້ງປະທານສະພາເລືອກຕັ້ງແຫ່ງຊາດ. ບັນດາສະມາຊິກສະພາແຫ່ງຊາດລົງມະຕິຮັບຮອງເອົາວັນເລືອກຕັ້ງສະພາແຫ່ງຊາດຊຸດທີ່ 14 ແລະ ສະພາປະຊາຊົນທຸກຂັ້ນອາຍຸການ 2016 – 2021 ຈະດຳເນີນໃນວັນທີ 22/05/2016. ປະທານສະພາເລືອກຕັ້ງແຫ່ງຊາດຕາມໃບສະເໜີແມ່ນທ່ານປະທານສະພາແຫ່ງຊາດຊຸດທີ 13 ຫງວຽນສິງຮຸ່ງ.
ແລະກໍໃນຕອນເຊົ້າວັນທີ 24/11, ບັນດາສະມາຊິກສະພາແຫ່ງຊາດ ໄດ້ລົງມະຕິຮັບຮອງເອົາມະຕິປະກາດໃຊ້ກົດລະບຽບກອງປະຊຸມສະພາແຫ່ງຊາດ (ສະບັບປັບປຸງ) ແລະ ປະມວນກົດໝາຍແພ່ງ (ສະບັບປັບປຸງ).