ການເລືອກຕັ້ງອາເມລິກາ 2020: ຜູ້ສະໝັກເລືອກຕັ້ງທ່ານ J.Biden ຍາດໄດ້ໄຊຊະນະໃນການເລືອກຕັ້ງເບື້ອງຕົ້ນຢູ່ Hawaii
(VOVWORLD) - ທ່ານ Joe Biden ອະດີດຮອງປະທານາທິບໍດີ ອາເມລິກາ ຍາດໄດ້ໄຊຊະນະໃນບັ້ນເລືອກຕັ້ງເບື້ອງຕົ້ນຂອງພັກປະຊາທິປະໄຕຢູ່ລັດ Hawaii - ໂດຍເປັນໄຊຊະນະຄັ້ງຫຼ້າສຸດຂອງທ່ານໃນການແຂ່ງຂັນເພື່ອແນໃສ່ໄດ້ຮັບການສະເໜີຂອງພັກນີ້ ເພື່ອອອກສະໝັກເລືອກຕັ້ງປະທານາທິບໍດີ ອາເມລິກາໃນເດືອນພະຈິກຈະມາເຖິງ.
 ທ່ານ Joe Biden ອະດີດຮອງປະທານາທິບໍດີ ອາເມລິກາ ແລະ ທ່ານ Bernie Sanders ສະມາຊິກສະພາສູງ ໂດຍເປັນຜູ້ຕາງໜ້າໃຫ້ແກ່ລັດ Vermont (ພາບ: AFP/TTXVN) |
ດ້ວຍການຍາດໄດ້ 63%ບັດເລືອກຕັ້ງ, ທ່ານ Biden ໄດ້ເຮັດໃຫ້ທ່ານ Bernie Sanders ສະມາຊິກສະພາສູງ ໂດຍເປັນຜູ້ຕາງໜ້າໃຫ້ແກ່ລັດ Vermont ທີ່ຍາດໄດ້37%ບັດເລືອກຕັ້ງ ຖືກປະລາໄຊ. ດວ້ຍການຍາດໄດ້ ບັດ ຜູ້ແທນ 16 ບັດໃນການເລືອກຕັ້ງເບື້ອງຕົ້ນຢູ່ Hawaii, ໄດ້ຊ່ວຍໃຫ້ທ່ານ Joe Biden ຍາດໄດ້ບັດຜູ້ແທນທັງໝົດ 1566ບັດ ໃຫ້ແກ່ການແຂ່ງຂັນຂອງຕົນ. ທ່ານ Biden ຄາດວ່າຈະມີບັດຜູ້ແທນສະໜັບສະໜູນບັນລຸ 1991 ບັດ ໂດຍເປັນຈຳນວນທີ່ຈຳເປັນເພື່ອຍາດໄດ້ການສະເໜີຂອງພັກປະຊາທິປະໄຕໃນບັນດາການເລືອກຕັ້ງເບື້ອງຕົ້ນຄັ້ງຕໍ່ໄປ ທີ່ຄາດວ່າຈະຈັດຂຶ້ນໃນເດືອນມິຖຸນາຈະມາເຖິງ.