ສະພາບການຈະລາຈົນ ຢູ່ ເກຼັກ
ພາບ: internet
|
(vovworld) - ວັນທີ 26/9, ການຢຸດງານຄັ້ງໃຫຍ່ເພື່ອຄັດຄ້ານບັນດາມາດຕະການຫລຸດຜ່ອນລາຍຈ່າຍຂອງລັດຖະບານ ເກຼັກ ໄດ້ກາຍເປັນການຈະລາຈົນ ພາຍຫລັງກຸ່ມຄົນແຫ່ຂະບວນໄດ້ແກ່ວງຫີນ, ລະເບີດນ້ຳມັນ ໃສ່ຕະຫລວດຢູ່ສະຫນາມຫລວງຕໍ່ຫນ້າສຳນັກງານສະພາແຫ່ງຊາດ ຢູ່ ນະຄອນຫລວງ Athens. ຕຳຫລວດຈະຕ້ອງນຳໃຊ້ແກັສນ້ຳຕາແລະ ລົດສີດນ້ຳເພື່ອສະຫລາຍກຸ່ມຄົນທີ່ແຫ່ຂະບວນ. ປະຈຸບັນ ມີ 100 ຄົນຖືກຈັບຄຸ້ມຂັງ ແລະ ມີຕຳຫລວດຢ່າງຫນ ອ້ຍສຸດ 5 ຄົນຖືກບາດເຈັບ. ມີ 50.000 ຄົນໄດ້ ແຫ່ຂະບວນປະທ້ວງຜ່ານບໍລິເວນສຳນັກງານສະພາແຫ່ງຊາດ, ຮ້ອງໂຮຄຳຂວັນຄັດຄ້ານເລື່ອງ Athens ຕ້ອງຍອມຮັບບັນດາເງື່ອນໄຂຫລຸດຜ່ອນລາຍຈ່າຍເພ່ືອຮັບບ້ວງເງິນຫນູນຊ່ວຍໃຫມ່ຂອງສາກົນ, ຄັດຄ້ານສະຫະພາບເອີລົບ ແລະ ກອງທຶນເງິນຕາສາກົນ IMF. ນີ້ແມ່ນການກະທຳຄັດຄ້ານທີ່ມີຂອບຂະຫນາດໃຫຍ່ຄັ້ງທຳອິດຢູ່ ເກຼັກ ນັບແຕ່ເມື່ອລັດຖະບານໃຫມ່ຂອງປະເທດນີ້ໄດ້ຮັບການສ້າງຕັ້ງກ່ອນນີ້ 3 ເດືອນ. ການຄົມມະນາຄົມທາງບົກ ແລະ ທາງລົດໄຟຖືກຢຸດຕິ, ຖ້ຽວບິນນັບສີບຖ້ຽວຖືກຍົກເລິກ, ການຮັກສາຄວາມໝັ້ນຄົງຢູ່ ນະຄອນ ຫລວງ Athena ໄດ້ຮັບການເພີ່ມທະວີ.