(vovworld) - ຕາມການຄາດຄະເນຂອງວົງການນັກສັງເກດການ, ອົງການອ້າຍນ້ອງຊາວມຸດສະລິມ ແລະ ສຳພັນທະມິດບັນດາປະເທດສະໜັບສະໜູນຄວາມຖືກຕ້ອງຕາມກົດໝາຍຢູ່ອີຍີບ, ບໍ່ສາມາດປຸກລະດົມການແຫ່ຂະບວນດ້ວຍຜູ້ເຂົ້າຮ່ວມນັບລ້ານຄົນ ເພື່ອແນໃສ່ຄັດຄ້ານລັດຖະບານໃໝ່ໃນວັນທີ 03 ກັນຍາ, ເຊິ່ງແມ່ນວັນສະເຫຼີມສະຫຼອງ 2 ເດືອນແຫ່ງເຫດການກອງທັບອີຍີບ ປົດຕຳແໜ່ງປະທານາທິບໍດີ Mohamed Morsi ໄດ້. ບັນດາການແຫ່ງຂະບວນໃນວັນທີ 03 ກັນຍາ ມີຜູ້ເຂົ້າຮ່ວມປະມານ 2 – 3 ແສນຄົນເທົ່ານັ້ນ ແລະ ບໍ່ເກີດຂຶ້ນຢູ່ທຸກແຂວງ, ນະຄອນຂອງອີຍີບ ຕາມແຜນການຂອງອົງການອ້າຍນ້ອງຊາວມຸດສະລິມ ແລະ ສຳພັນທະມິດບັນດາປະເທດສະໜັບສະໜູນຄວາມຖືກຕ້ອງຕາມກົດໝາຍ. ຢູ່ນະຄອນຫຼວງ ກາຍໂຣ, ການແຫ່ຂະບວນຂະໜາດນ້ອຍ ໄດ້ດຳເນີນໄປຢູ່ບາງເມືອງທີ່ຫ່າງຈາກໃຈກາງນະຄອນຫຼວງ ດ້ວຍການເຂົ້າຮ່ວມຂອງ 2 – 3 ຮ້ອຍຄົນ ຫຼັງຈາກນັ້ນພຽງ 2 – 3 ຊົ່ງໂມງກໍ່ຖືກຍຸບເລີກ. ເຫດການທີ່ຄ້າຍຄືກັນກໍ່ເກີດຂຶ້ນຢູ່ຫຼາຍທ້ອງຖິ່ນ ແຕ່ບໍ່ຕ້ອງການເຂົ້າຮ່ວມຂອງບັນດາກຳລັງປ້ອງກັນກໍ່ຖືກຍຸບເລີກຢ່າງໄວວາ.
ວົງການນັກໄຈ້ແຍກຕີລາຄາວ່າ, ການແຫ່ຂະບວນປະທ້ວງດ້ວຍຊື່ວ່າ “ລັດຖະປະຫານແມ່ນການກໍ່ການຮ້າຍ” ຖືກປະລາໄຊອີກຄັ້ງໜຶ່ງໄດ້ສະແດງໃຫ້ເຫັນວ່າ: ອົງການອ້າຍນ້ອງຊາວມຸດສະລິມຕ້ານອຳນາດການປົກຄອງໃໝ່ຢູ່ອີຍີບ ນັບມື້ນັບຕົກຢູ່ໂດດດຽວໃນສັງຄົມຂອງປະເທດນີ້. ການຄັດຄ້ານນີ້ບໍ່ສາມາດດຶງດູດຄວາມສົນໃຈຈາກຫ່າງສຽງ ແລະ ການສະໜັບສະໜູນຂອງປະຊາຊົນເປັນຈຳນວນຫຼາຍໃນປະເທດນີ້ອີກ.