(vovworld) - ວັນທີ 14/11, ບັນດາອົງການກຳມະບານຂອງປະເທດສະມາຊິກສະຫະພາບເອີລົບ (EU) ໄດ້ຮຽກຮ້ອງໃຫ້ປະຊາຊົນລົງຖະໜົນເພື່ອແຫ່ຂະບວນຄັດຄ້ານນະໂຍບາຍຮັດເຂັມຄັດທີ່ພວມນຳໃຊ້ຢູ່ບັນດາປະເທດເອີລົບ. ຢູ່ຝລັ່ງ, ຄາດວ່າມີການແຫ່ຂະບວນກວ່າ 130 ຄັ້ງຖືກດຳເນີນໄປຢູ່ບັນດານະຄອນໃຫຍ່ຄື: ປາຣີ, Marseille, Lille, Lyon, Nice, Reines… ບັນດາຜູ້ແຫ່ຂະບວນປະທ້ວງ ໄດ້ນຳເອົາປາຍຄຳຂວັນຄັດຄ້ານບັນດານະໂຍບາຍຮັດເຂັມຄັດ ທີ່ພວມນຳໃຊ້ຢູ່ບັນດາປະເທດເອີລົບ, ຖືວ່ານັ້ນແມ່ນສາຍເຫດທີ່ພາໃຫ້ເອີລົບ ຕົກເຂົ້າສະພາບເສດຖະກິດຖືກຢຸດສະງັກ ແລະ ຊຸດໂຊມ. ການນຳກຳມະບານຝລັ່ງ Francois Chereque ເວົ້າວ່າ.
“ມີຫຼາຍນະໂຍບາຍຮັດເຂັມຄັດຢູ່ບັນດາປະເທດເອີລົບ, ທີ່ສົ່ງຜົນສະທ້ອນເຖິງພື້ນຖານເສດຖະກິດ, ກໍຄວາມຫຍຸ້ງຍາກໃຫ້ແກ່ຊີວິດການເປັນຢູ່ຂອງປະຊາຊົນຢູ່ບັນດາປະເທດເອີລົບໃຕ້ ແລະ ກໍໃຫ້ເກີດໄພວ່າງງານຢູ່ທຸກໆປະເທດເອີລົບ. ເພາະສະນັ້ນ, ພວກເຮົາຕ້ອງປະຕິບັດສອງວຽກງານຄື: ດ້ານໜຶ່ງແມ່ນຕ້ອງຊຸກຍູ້ການຟື້ນຟູພື້ນຖານເສດຖະກິດຂອງເອີລົບກວ່າອີກ ແລະ ດ້ານອື່ນຕ້ອງເຮັດແນວໃດເພື່ອໃຫ້ບັນດາປະເທດພວມປະສົບກັບຄວາມຫຍຸ້ງຍາກຄື ເກຼັກ, ແອດສະປາຍ, ປອກຕຸຍການ ມີເວລາຕື່ມອີກ ເພື່ອສາມາດຫຼຸດພົ້ນອອກຈາກສະພາບໜີ້ສາທາລະນະ”.