ການແຫ່ຂະບວນປະທ້ວງຢູ່ຢູແກຼນຄັດຄ້ານຂໍ້ຕົກລົງຍົກເລີກສົນທິສັນຍາຮ່ວມສຳພັນກັບອີຢູ
ການປະທະກັນຢູ່ນະຄອນຫຼວງ Kiev ເມື່ອວັນທີ 24/11
(ພາບ: Reuters)
(vovworld) - ການແຫ່ຂະບວນປະທ້ວງຖືກດຳເນີນໃນວັນທີ 24/11, ຢູ່ນະຄອນຫຼວງ Kiev, ດ້ວຍການເຂົ້າຮ່ວມຂອງປະຊາຊົນ ຢູແກຼນ ທີ່ນິຍົມຝ່າຍຕາເວັນຕົກ 10.000 ຄົນ, ເພື່ອແນໃສ່ຄັດຄ້ານຂໍ້ຕົກລົງຍົກເລີກການເຊັນສັນຍາຮ່ວມສຳພັນການຄ້າຂອງລັດຖະບານກັບສະຫະພາບເອີລົບ (ອີຢູ) ໃນອາທິດກ່ອນ. ບັນດາຜູ້ແຫ່ຂະບວນປະທ້ວງໄດ້ຍົກຄັນທຸງຂອງ ອີຢູ ແລະ ພັກຝ່າຍຄ້ານ, ຊອກວິທີບຸກເຂົ້າສຳນັກງານລັດຖະບານຢູ່ນະຄອນຫຼວງ Kiev ແລະ ປະທະກັນກັບຕຳຫຼວດ, ເຮັດໃຫ້ກຳລັງປ້ອງກັນຄວາມສະຫງົບຕ້ອງຍິງແກດນ້ຳຕາເພື່ອສະກັດກັ້ນ.
ກ່ອນໜ້ານັ້ນ, ວັນທີ 21/11, ສະພາລັດຖະມົນຕີ ຢູແກຼນ ໄດ້ອອກຄຳສັ່ງຢຸດຕິການເຄື່ອນໄຫວກະກຽມເຊັນສົນທິສັນຍາຮ່ວມສຳພັນກັບ ອີຢູ, ປະຊາຄົມພະລັງງານປະລະມານູ ເອີລົບ ແລະ ບັນດາປະເທດສະມາຊິກ, ເພື່ອປັບປຸງການພົວພັນດ້ານການຄ້າກັບລັດເຊຍ ແລະ ບັນດາປະເທດ SNG.