(ພາບ:ktdt.com.vn)
(vovworld) - ກອງທັບຫວຽດນາມ ເປັນເຈົ້າການ, ມີຫົວຄິດປະດິດສ້າງໃນການຕ້ານເຮືອບິນ B52 ແມ່ນເນື້ອໃນພົ້ນເດັ່ນທີ່ການໂອ້ລົມສົນທະນາໂດຍກົງຜ່ານເຄືອຂ່າຍອິນເຕີແນັດກ່ຽວກັບ 40 ປີແຫ່ງໄຊຊະນະດ້ຽນບຽນຝູທາງອາກາດ ໂດຍປະຕູຖານຂໍ້ມູນລັດຖະບານຈັດຂຶ້ນໃນວັນທີ 10/12 ຢູ່ຮ່າໂນ້ຍ ໂດຍມີການເຂົ້າຮ່ວມຂອງບັນດາຜູ້ເຄີຍທຳການຕໍ່ສູ້ຍິງເຮືອບິນ B52 ຕົກໃນເວລານັ້ນ.
ຕາມທ່ານພົນຕີຫງວຽນຊວນເມົ້າ (Nguyễn Xuân Mậu) ອະດີດຮອງກຳມະການການເມືອງເຫຼົ່າທັບປ້ອງກັນອາກາດຫວຍດນາມແລ້ວ, ທະຫານຫວຽດນາມ ມີຄວາມເປັນເຈົ້າການໃນການຕໍ່ສູ້ຕ້ານເຮືອບິນ B52 ໃນເຂດນ່ານຟ້າຮ່າໂນ້ຍ ເມື່ອທ້າຍປີ 1972. ບໍ່ພຽງແຕ່ໄດ້ເປັນເຈົ້າການໃນວິທີຕໍ່ສູ້ເທົ່ານັ້ນ, ໃນຈຸດເວລານັ້ນ, ທະຫານຫວຽດນາມ ຍັງເປັນເຈົ້າການໃນການປະຕິຮູບອາວຸດອີກດ້ວຍ. ທ່ານພົນຕີຫງວຽນວັນຟຽດ (Nguyễn Văn Phiệt), ອະດີດຫົວໜ້າກອງພັນລູກສອນໄຟ 57 ສັງກັດກອງພົນປ້ອງກັນອາກາດຮ່າໂນ້ຍ ໃຫ້ຮູ້ວ່າ:
“ພວກຂ້າພະເຈົ້າໄດ້ພົບເຫັນບັນດາສັນຍານສັບສົນຄື: ຂອງເຮືອບິນ EB66, ຂອງບັນດາເຮືອບິນ F ແລະ ຂອງເຮືອບິນ B52, ໃນນັ້ນຕ້ອງຈຳແນກໄດ້ອັນໃດແມ່ນຂອງເຮືອບິນ B52. ນີ້ແມ່ນສິ່ງສຳຄັນທີ່ສຸດ ແລະ ສິ່ງສຳຄັນກ່ວານັ້ນແມ່ນຕ້ອງເລືອກເອົາເຮືອບິນ B52 ລຳໜຶ່ງໃນຈຳນວນຂະບວນເຮືອບິນ B52 ໄດ້ເພື່ອດັບສູນ. ນີ້ແມ່ນສິລະປະໃນການສູ້ຮົບຂອງທະຫານປ້ອງກັນອາກາດ“