ພາບປະກອບ: TTXVN

ຕອນເຊົ້າວັນທີ 26 ສິງຫາ, ຢູ່ຮ່າໂນ້ຍ, ກະຊວງກະສິກຳ ແລະ ພັດທະນາຊົນນະບົດຫວຽດນາມ ໄດ້ສົມທົບກັບອົງການພັດທະນາ ສປຊ (UNDP) ປະຈຳ ຫວຽດນາມ ຈັດຕັ້ງ “ການໂອ້ລົມສົນທະນານະໂຍບາຍຂັ້ນສູງກ່ຽວກັບການຮ່ວມມືໃນການຄຸ້ມຄອງຊັບພະຍາກອນທຳມະຊາດແບບຍືນຍົງໃນສະພາບການປ່ຽນແປງຂອງດິນຟ້າອາກາດ”. ການໂອ້ລົມສົນທະນາເພື່ອແນໃສ່ສະໜອງຂໍ້ມູນ, ແລກປ່ຽນ ແລະ ປະກອບຄຳເຫັນໃຫ້ ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ແລະ ບັນດາຫົວໜ່ວຍທີ່ກ່ຽວຂ້ອງ ເພື່ອແນໃສ່ຜັນຂະຫຍາຍຢ່າງມີປະສິດທິຜົນ, ຮັບປະກັນການປະຕິບັດເປົ້າໝາຍພັດທະນາແບບຍືນຍົງ. ພ້ອມທັງ, ປະຕິບັດການຫັນປ່ຽນໄປສູ່ຮູບແບບຕາມທິດສີຂຽວ, ເປັນມິດກັບສິ່ງແວດລ້ອມ, ປ່ອຍທາດພິດໜ້ອຍ ແລະ ຮັບມືກັບການປ່ຽນແປງຂອງດິນຟ້າອາກາດ, ພັດທະນາຕິດພັນກັບການອະນຸລັກຮັກສາຊັບພະຍາກອນທຳມະຊາດ ທີ່ໄດ້ວາງອອກໃນຍຸດທະສາດພັດທະນາກະສິກຳ ແລະ ຊົນນະບົດແບບຍືນຍົງ ໃນໄລຍະ 2021 – 2030, ວິໄສທັດ ຮອດປີ 2050 ໂດຍລັດຖະບານ ຫວຽດນາມປະກາດໃຊ້. ບັນດາບົດປະກອບຄຳເຫັນໃນການໂອ້ລົມສົນທະນາ ໄດ້ແບງປັນບົດຮຽນປະສົບການ ຈາກບັນດາຮູບແບບຮ່ວມຄຸ້ມຄອງທີ່ມີປະສິດທິຜົນ ໂດຍໄດ້ຜັນຂະຫຍາຍຢູ່ ຫວຽດນາມ ແລະ ໃນທົ່ວໂລກ. ຜ່ານນັ້ນ, ແກ້ໄຂ ຄວາມຫຍຸ້ງຍາກ, ສິ່ງທ້າທາຍໃນການຮ່ວມມືຄຸ້ມຄອງຊັບພະຍາກອນທຳມະຊາດ ລະຫວ່າງບັນດາປະເທດ, ພ້ອມທັງສະເໜີນະໂຍບາຍກ່ຽວກັບການຮ່ວມມືຮ່ວມຄຸ້ມຄອງຊັບພະຍາກອນທຳມະຊາດ.