ການໂອ້ລົມສົນທະນາ
(ພາບ:vietnam+)
(vovworld) - ວັນທີ 5/8, ສະຖານທູດ ຫວຽດນາມ ປະຈຳ ອັກຊັງຕີງ ໄດ້ສົມທົບກັບສະຖາບັນວັດທະນະທຳ ອັກຊັງຕີງ - ຫວຽດນາມ ໄດ້ຈັດຕັ້ງການໂອ້ລົມສົນທະນາການຄ້າ 2 ຝ່າຍຢູ່ເມືອງ Lanus, ແຂວງ Buenos Aires. ກ່າວຄຳເຫັນທີ່ການເຄື່ອນໄຫວໂດຍມີການເຂົ້າຮ່ວມຂອງວິສາຫະກິດ ອັກຊັງຕິງ ຫຼາຍແຫ່ງ, ທ່ານ Oscar Jofre, ລັດຖະມົນຕີກະຊວງພັດທະນາເສດຖະກິດ Lanus ໄດ້ສະແດງຄວາມປາດຖະໜາຢາກພັດທະນາການແລກປ່ຽນການຄ້າ ແລະ ເສດຖະກິດກັບ ຫວຽດນາມ. ທ່ານໃຫ້ຮູ້ວ່າ: Lanus ມີຄວາມຕ້ອງການນຳເຂົ້າບັນດາຜະລິດຕະພັນໃຊ້ສອຍຂອງ ຫວຽດນາມ ຄື: ເຄື່ອງໄຟຟ້າ, ເຄື່ອງນຸ່ງ, ພ້ອມທັງແນະນຳກັບບັນດາປະເພດສິນຄ້າທ່າແຮງຂອງທ້ອງຖິ່ນນີ້ຄື: ໜັງ, ບັນດາຜະລິດຕະພັນຈາກໜັງ ແລະ ເຄື່ອງອາໄລ່ລົດໂອໂຕ. ໃນຂະນະນັ້ນ, ທ່ານນາງ ຫງວຽນທິແທງເວີນ, ທູດການຄ້າສະຖານທູດ ຫວຽດນາມ ປະຈຳ ອັກຊັງຕີງໄດ້ສະເໜີກ່ຽວກັບສະພາບການເສດຖະກິດ ຫວຽດນາມ, ກາລະໂອກາດການລົງທຶນ, ຮ່ວມມື, ແລກປ່ຽນການຄ້າລະຫວ່າງ 2 ປະເທດ, ພ້ອມທັງຕອບບັນດາຄຳຖາມກ່ຽວຂ້ອງເຖິງການລົງທຶນ ແລະ ການນຳເຂົ້າ ສົ່ງອອກຢູ່ ຫວຽດນາມ.