ການໃຊ້ຄວາມຮຸນແຮງຍັງຄົງເກີດຂຶ້ນຢູ່ພາກໃຕ້ຂອງໄທ
ຕຳຫຼວດຢູ່ພາກໃຕ້ ໄທ ຮັບມືກັບກະແສຟອງການໃຊ້ຄວາມຮຸນແຮງເປັນເວລາຫຼາຍປີຜ່ານມາ
(ພາບ: docbao.vn)
(vovworld) – ວັນທີ 11/9, ເຫດຍິງປືນ ແລະ ວາງລະເບີດເລັ່ງໃສ່ອົງການອຳນາດການປົກຄອງຢູ່ ກອກໂພ, ແຂວງ ປັດຕານີ, ພາກໃຕ້ ໄທ, ເຮັດໃຫ້ 5 ຄົນເສຍຊີວິດ ແລະ ອີກ 5 ຄົນຮັບບາດເຈັບ. ການໃຊ້ຄວາມຮຸນແຮງເກີດຂຶ້ນໃນສະພາບທີ່ລັດຖະບານໃໝ່ຂອງທ່ານນາຍົກລັດຖະມົນຕີ ປຣາຢຸດ ຈັນໂອຈາ ມານະພະຍາຍາມເຊື່ອມຕໍ່ບັນດາການເຈລະຈາກ່ອນນີ້ກັບກຳລັງລູກຮື້ຂຶ້ນເພື່ອນຳມາເຊິ່ງສັນຕິພາບໃຫ້ບັນດາແຂວງພາກໃຕ້ປະເທດນີ້.
ຕຳຫຼວດທ້ອງຖີ່ນໃຫ້ຮູ້ວ່າ: ການໃຊ້ຄວາມຮຸນແຮງເກີດຂຶ້ນເມື່ອມີກຸ່ມທະຫານແຕກທັບບຸກໂຈມຕີຫ້ອງການອົງການບໍລິຫານຕາແສງ ມາກກຣຸດ, ຍິງປືນໃສ່ບຸກຄົນທີ່ພວມເຮັດວຽກຢູ່ແຫ່ງນີ້. ບັນດາມືປືນນີ້ໄດ້ວາງລະເບີດຢູ່ໃກ້ໆນີ້ກ່ອນທີ່ຈະອອກຈາກບ່ອນເກີດເຫດ ແລະ ເຮັດໃຫ້ສ່ວນໜຶ່ງຂອງອາຄານຫຼັງນີ້ຖືກທຳລາຍ. ວົງການເຈົ້າໜ້າທີ່ທ້ອງຖີ່ນ ໄດ້ຮັບຮູ້ວ່າ ເຈົ້າໜ້າທີ່ຂັ້ນສູງຂອງລັດຖະບານ 2 ທ່ານໄດ້ເສຍຊີວິດໃນການໃຊ້ຄວາມຮຸນແຮງດັ່ງກ່າວ.
ແລະກໍ່ໃນວັນດຽວກັນ, ມີທະຫານແຕກທັບກຸ່ມໜຶ່ງໄດ້ດຳເນີນການບຸກໂຈມຕີຄ້າຍຄືກັນຢູ່ຫ້ອງການອຳນາດການປົກຄອງອື່ນຢູ່ເມືອງ ຢະຣິ່ງ, ແຕ່ບໍ່ມີຜູ້ໃດຖືກເສຍຊີວິດ ແລະ ຮັບບາດເຈັບ.