( vovworld ) – ຍັງມີເວລາພຽງ 3 ອາທິດອີກກໍຈະຮອດວັນເລືອກຕັ້ງປະທານາທິບໍດີຢູ່ເອຍີບ, ແຕ່ສະພາບການຢູ່ປະເທດໃນພາກພື້ນອາຟະລິກາເໜືອ - ພາກຕາເວັນອອກກາງ ຍັງຜັນແປ່ໄປຢ່າງສັບສົນ, ດ້ວຍການປະທະກັນ ແລະ ການໃຊ້ຄວາມຮຸນແຮງເກີດຂຶ້ນຢ່າງລຽນຕິດ ເຊິ່ງເຮັດໃຫ້ນັບຮ້ອຍຄົນເສຍຊີວິດ ແລະ ຮັບບາດເຈັບ. ວັນທີ 2/5, ປະຊາຊົນເອຍີບ ນັບພັນຄົນໄດ້ເຕົ້າໂຮມກັນຢູ່ຕໍ່ໜ້າຢູ່ປະຕູກະຊວງປ້ອງກັນປະເທດຂອງເອຍີບເພື່ອເຂົ້າຮ່ວມການແຫ່ຂະບວນປະທ້ວງ ດ້ວຍຄວາມຫວັງຢຸດຕິການໃຊ້ຄວາມຮຸນແຮງເຊິ່ງເຮັດໃຫ້ຢ່າງໜ້ອຍສຸດມີຜູ້ເສຍຊີວິດ 12 ຄົນ ແລະ ຖືກບາດເຈັບກວ່າ 100 ຄົນໃນຊຸມມື້ຜ່ານມາ. ຜູ້ຕາງໜ້າຂອງພັກຝ່າຍການເມືອງເອຍີບ ແລະ ຜູ້ອອກສະໝັກຮັບເລືອກຕັ້ງປະທານາທິບໍດີບາງທ່ານລ້ວນແຕ່ເຂົ້າຮ່ວມການແຫ່ຂະບວນປະທ້ວງ. ວັນທີ 2/5 ອົງການອ້າຍນ້ອງມຸດສະລິມ, ເຊິ່ງແມ່ນອົງການໃຫຍ່ທີ່ສຸດຢູ່ເອຍີບ, ໄດ້ຮຽກຮ້ອງສະພາການທະຫານຍຸບເລີກລັດຖະບານຂອງທ່ານນາຍົກລັດຖະມົນຕີ Kamak al Ganzouri ແລະ ສ້າງຕັ້ງລັດຖະບານໃໝ່ເພື່ອແນໃສ່ບໍລິຫານປະເທດຊາດຢ່າງມີປະສິດທິຜົນກວ່າ ພ້ອມກັນນັ້ນກໍຕິດຕາມກວດກາການເລືອກຕັ້ງປະມານາທິບໍດີໃນໄລຍະທີ່ຈະມາເຖິງ. ອົງການດັ່ງກ່າວກໍຖືວ່າ, ລັດຖະບານ ແລະ ສະພາການທະຫານຕ້ອງຮັບຜິດຊອບຕໍ່ການໃຊ້ຄວາມຮຸນແຮງທີ່ພວມເກີດຂຶ້ນ. ບັນດາຜູ້ແຫ່ຂະບວນປະທ້ວງໄດ້ຮຽກຮອງໃຫ້ສະພາການທະຫານກຳອຳນາດຕ້ອງມອບໂອນສິດອຳນາດໃຫ້ລັດຖະບານພົນລະເຮືອນໂດຍໄວ. ກອງທັບກໍໃຫ້ຄຳໝັ້ນສັນຍາວ່າ ຈະມອບໂອນສິດອຳນາດໃນທ້າຍເດືອນ 6 ທີ່ຈະມາເຖິງພາຍຫຼັງດຳເນີນການເລືອກຕັ້ງປະທານາທິບໍດີ.