![ການໃຊ້ຄວາມຮຸນແຮງສືບຕໍ່ເກີດຂຶ້ນຢູ່ ຊີຣີ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2012_04_19/syri.jpeg)
ສະພາບການຢູ່ ຊີຣີ
ພາບປະກອບ:internet
|
(vovworld) - ວັນທີ 18/4, ສຳນັກຂ່າວສານແຫ່ງລັດ SANA ຂອງ ຊີຣີ ໄດ້ໃຫ້ຂ່າວວ່າ: ມີເຈົ້າຫນ້າທີ່ປ້ອງກັນຄວາມສະຫງົບ 6 ຄົນເສຍຊີວິດ ແລະ ພົນທະຫານ 11 ຄົນຂອງລັດຖະບານຖືກບາດເຈັບໃນເຫດວາງລະເບີດຢູ່ ແຂວງ Idlib ພາກເຫນືອປະເທດນີ້. ເຫດວາງລະເບີດດັ່ງກ່າວໂດຍແມ່ນ ກຸ່ມປະກອບອາວຸດ ຢູ່ Al Masdouma ຂຶ້ນກັບແຂວງ Idlib ກໍ່ຂຶ້ນ. ໃນຂະນະນັ້ນ, ສື່ສານແຫ່ງລັດ ແລະ ບັນດານັກເຄື່ອນໄຫວຢູ່ ຊີຣີ ໃຫ້ຮູ້ວ່າ: ໄດ້ເກີດເຫດຍິງປືນຢູ່ເທດສະບານ Erbin ຢູ່ນະຄອນຫລວງ Damascus ໃນຂະນະບັນດານັກສັງເກດການສະຫະປະຊາຊາດພວມປະຕິບັດການຢ້ຽມຢາມ ເພື່ອຕິດຕາມກວດກາເລື່ອງປະຕິບັດຂໍ້ຕົກລົງຢຸດຍິງ ແລະ ຊຸກຍູ້ວິວັດການໂອ້ລົມສົນທະນາດ້ານການເມືອງຢ່າງຮອບດ້ານເພື່ອຢຸດຕິວິກິດການຢູ່ ຊີຣີ. ກຸ່ມກໍ່ການຮ້າຍໄດ້ວາງລະເບີດຢູ່ປ້ອມກວດກາ ຊຶ່ງເຮັດໃຫ້ພາລະກອນປ້ອງກັນຄວາມສະຫງົບຜູ້ຫນຶ່ງຖືກບາດເຈັບ. ບັນດາເຫດວາງລະເບີດດັ່ງກ່າວເກີດຂຶ້ນໂດຍບໍ່ຫົວຊາຕໍ່ຂໍ້ຕົກລົງຢຸດຍິງ ໂດຍສະຫະປະຊາຊາດສະເຫນີທີ່ມີຜົນສັກສິດຢູ່ ຊີຣີ ນັບແຕ່ອາທິດກ່ອນເປັນຕົ້ນມາ.