(vovworld) - ວັນທີ 21/4, ທ່ານ ຟ້າມບິ່ງມິງ, ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ, ປະທານຄະນະກຳມະການຊີ້ນຳການຮ່ວມມືສອງຝ່າຍ ຫວຽດນາມ - ຈີນ, ໄດ້ຢ້ຽມຢາມ ແລະ ເຮັດວຽກຢູ່ແຂວງ ກາວບັ່ງ. ກ່າວຄຳເຫັນທີ່ການເຮັດວຽກ, ທ່ານຮອງນາຍົກລັດຖະມົນຕີ ຟ້າມບິ່ງມິງ ຮັບຮູ້ການພັດທະນາ, ການຮ່ວມມືດ້ານເສດຖະກິດລະຫວ່າງສອງຝ່າຍພ້ອມທັງສົ່ງເສີມໃຫ້ ກາວບັ່ງ ສຸມໃສ່ພັດທະນາເສດຖະກິດຊາຍແດນ. ທ່ານຮອງນາຍົກລັດຖະມົນຕີມອບໝາຍໃຫ້ບັນດາກະຊວງ, ຂະແໜງການທີ່ກ່ຽວຂ້ອງພິຈາລະນາບັນດາແຫຼ່ງທຶນທີ່ລົງທຶນໃຫ້ແກ່ ກາວບັ່ງ, ໃນນັ້ນມີເລື່ອງພິຈາລະນາຍົກລະດັບເສັ້ນທາງຄົມມະນາຄົມແຕ່ ກາວບັ່ງ ໄປ ລ້າງເຊີນ ໃຫ້ກາຍເປັນທາງດ່ວນ. ທ່ານຮອງນາຍົກລັດຖະມົນຕີສະເໜີໃຫ້ ກາວບັ່ງ ສືບຕໍ່ເພີ່ມທະວີການພົບປະແລກປ່ຽນດ້ານເສດທະກິດ, ການຄ້າກັບບັນດາທ້ອງຖິ່ນຂອງ ຈີນ, ສະເໜີໃຫ້ ຈີນ ຊ່ວຍເຫຼືອລົງທຶນຍົກລະດັບບັນດາເສັ້ນທາງຄົມມະນາຄົມ.
ກ່ອນໜ້ານັ້ນ, ທ່ານຮອງນາຍົກລັດຖະມົນຕີໄດ້ໄປຢ້ຽມຢາມເຂດເສດຖະກິດດ່ານຊາຍແດນ ຈ່າຫຼີ້ງ, ຢ້ຽມຢາມນ້ຳຕົກຕາດ ບ້ານຢົກ; ມອບຂອງຂວັນໃຫ້ແກ່ພະນັກງານ, ນັກຮົບປ້ອມປ້ອງກັນຂາຍແດນ ດ່າມຖຸຍ(ເມືອງ ຈຸ່ງແຄ໋ງ) ແລະ 5 ຄອບຄົວນະໂຍບາຍຢູ່ 2 ເມືອງດັ່ງກ່າວ.