(vovworld) - ກຳລັງປ້ອງກັນຝັ່ງທະເລ ຍີ່ປຸ່ນ (ຫຼື JCG) ໃຫ້ຮູ້ວ່າ, ວັນທີ 13/5, ກຳປັ່ນລາດຕາເວນຂອງ ຈີນ ໄດ້ລ່ວງລ້ຳເຂົ້າເຂດນ່ານທະເລຢູ່ອ້ອມໝູ່ເກາະ Senkaku ຢູ່ທະເລ ຮວາຕຸງ, ເຊິ່ງປະຈຸບັນ ໂຕກຽວ ພວມຄຸ້ມຄອງແຕ່ ປັກກິງ ກໍ່ໄດ້ຖະແຫຼງອະທິປະໄຕດ້ວຍຊື່ວ່າ ຕຽວອີ. ແລະກໍ່ໃນວັນດຽວກັນ, ກົມມະຫາສະໝຸດແຫ່ງລັດ ຈີນ ໄດ້ຮັບຮູ້ວ່າ: ມີກຳປັ່ນລາດຕາເວນ 3 ລຳຂອງປະເທດນີ້ໄດ້ດຳເນີນການລາດຕາເວນເປັນປະຈຳຢູ່ເຂດນ່ານທະເລອ້ອມໝູ່ເກາະ ຕຽວອີ/ Senkaku. ທ່ານ Shinsuke Sugiyama, ຫົວໜ້າກົມ ອາຊີ - ທະວີບໂອເຊອານີ ຂຶ້ນກັບກະຊວງການຕ່າງປະເທດ ຍີ່ປຸ່ນ ໄດ້ມີການໂອ້ລົມທາງໂທລະສັບກັບອັກຄະລັດຖະທູດ ຈີນ ປະຈຳ ຍີ່ປຸ່ນ ທ່ານ ຂານຈືຈ໋ຽນເພື່ອມອບຈົດໝາຍທາງການແນໃສ່ຄັດຄ້ານການກະທຳດັ່ງກ່າວ. ນີ້ເປັນຄັ້ງທີ 43 ທີ່ມີກຳປັ່ນຂອງ ຈີນ ໄດ້ລະເມີດເຂດນ່ານທະເລອ້ອມໝູ່ເກາະ Senkaku/ ຕຽວອີ ນັບແຕ່ເມື່ອ ໂຕກຽວ ຫັນເກາະເກືອບທັງໝົດທີ່ຂຶ້ນກັບໝູ່ເກາະດັ່ງກ່າວເປັນຂອງລັດ ເມື່ອເດືອນ 9/2012.