ທ່ານຮອງນາຍົກລັດຖະມົນຕີ, ທັງເປັນລັດຖະມົນຕີການຕ່າງປະເທດ ກຳປູເຈຍ Prak Sokhom (ພາບປະກອບ: TTXVN)

ວັນທີ 10 ກຸມພາ, ກຳປູເຈຍ, ປະເທດດຳລົງຕຳແໜ່ງປະທານ ອາຊຽນ ປີ 2022 ໄດ້ແຈ້ງໃຫ້ຊາບວ່າ ຈະຈັດກອງປະຊຸມວົງແຄບລັດຖະມົນຕີການຕ່າງປະເທດ ອາຊຽນ (AMM Retreat) ໃນວັນທີ 15 – 17 ກຸມພາ ຢູ່ນະຄອນຫຼວງ ພະນົມເປັນ ຕາມຮູບແບບໂດຍກົງ ສົມທົບກັບທາງໄກ.

        ແຈ້ງການຂອງກະຊວງການຕ່າງປະເທດ ກຳປູເຈຍ ໃຫ້ຮູ້ວ່າ, ທ່ານຮອງນາຍົກລັດຖະມົນຕີ, ທັງເປັນລັດຖະມົນຕີການຕ່າງປະເທດ ກຳປູເຈຍ Prak Sokhom ຈະເປັນປະທານກອງປະຊຸມ. ແຈ້ງການຊີ້ແຈ້ງວ່າ: “AMM Retreat ຈະຜັນຂະຫຍາຍບັນດາຂໍ້ຕົກລົງຂອງການນຳທີ່ກອງປະຊຸມສຸດຍອດ ອາຊຽນ ຄັ້ງທີ 38 ແລະ 39, ປຶກສາຫາລືວິທີເພີ່ມທະວີການພົວພັນກັບບັນດາຄູ່ຮ່ວມມື, ຄູ່ເຈລະຈາໃນຂະນະທີ່ຮັກສາ ແລະ ຊຸກຍູ້ບົດບາດໃຈກາງ, ສາມັກຄີ ແລະ ເປັນເອກະພາບຂອງ ອາຊຽນ, ພ້ອມທັງປຶກສາຫາລືກ່ຽວກັບວິທີ ແລະ ມາດຕະການໃນຄວາມມານະພະຍາຍາມສ້າງປະຊາຄົມ ອາຊຽນ ໃຫ້ໝັ້ນຄົງ, ຂະຫຍັນຂັນເຄື່ອນ, ສັນຕິພາບ ແລະ ວັດທະນາຖາວອນກວ່າ”. ຕາມແຈ້ງການ, ກອງປະຊຸມກໍ່ຈະປຶກສາຫາລືບັນດາບັນຫາຢູ່ພາກພື້ນ ແລະ ສາກົນມີຄວາມສົນໃຈ.