ກຳປູເຈຍ ຜັນຂະຫຍາຍພາລະກອນປ້ອງກັນຄວາມສະຫງົບ 80.000 ຄົນເນື່ອງໃນໂອກາດການເລືອກຕັ້ງທົ່ວປະເທດ
(VOVWORLD) - ວັນທີ 18 ເມສາ, ຮອງຫົວໜ້າຕຳຫລວດແຫ່ງຊາດ ກຳປູເຈຍ, ນາຍພົນ Kirt Chantharith ໃຫ້ຮູ້ວ່າ: ປະເທດນີ້ ຈະຜັນຂະຫຍາຍພາລະກອນປ້ອງກັນຄວາມສະຫງົບທັງໝົດ 80.000 ຄົນ
ເພື່ອແນໃສ່ຮັບປະກັບຫງົບປອດໄພ ແລະ ຄວາມເປັນລະບຽບຮຽບຮ້ອຍໃນຕະຫລອດໄລຍະດຳເນີນການເລືອກຕັ້ງທົ່ວປະເທດ ຊຶ່ງຄາດວ່າ ຈະດຳເນີນໃນເດືອນ ກໍລະກົດຈະມາເຖິງ. ກ່າວຄຳເຫັນທີ່ພິທີເປີດຊຸດຝຶກອົບຮົບກ່ຽວກັບກົດໝາຍວ່າດ້ວຍການເລືອກຕັ້ງ ແລະ ປະມວນຂໍ້ກຳນົດການປະພຶດທີ່ສະຫງວນໃຫ້ບັນດາພາລະກອນປ້ອງກັນຄວາມສະຫງົບໃນໄລຍະດຳເນີນການເລືອກຕັ້ງທົ່ວປະເທດ, ນາຍພົນ Chantharith ຊີ້ແຈ້ງວ່າ ພາລະກອນປ້ອງກັນຄວາມສະຫງົບທັງໝົດມີ 80.000 ຄົນ (ໃນນັ້ນ ລວມມີຕຳຫລວດ, ພົນທະຫານ, ກຳລັງພິທັກຮັກສາ ແລະ ກຳລັງປ້ອງກັນຄວາມສະຫງົບແຫ່ງຊາດ) ຈະໄດ້ເຂົ້າຮ່ວມໃນການຮັບປະກັບຄວາມສະຫງົບປອດໄພໃຫ້ເຫດການສຳຄັນຍິ່ງນີ້.