ທ່ານນາຍົກລັດຖະມົນຕີ ກຳປູເຈຍ Hun Manet ພົບປະເຈລະຈາກັບຄູ່ຕຳແໜ່ງ ມາເລເຊຍ Anwar Ibrahim (ພາບ: Freshnewsasia)

ທີ່ການພົບປະເຈລະຈາກັບທ່ານນາຍົກລັດຖະມົນຕີ ມາເລເຊຍ, ສອງຝ່າຍໄດ້ປຶກສາຫາລືບັນດາມາດຕະການຊຸກຍູ້ການຮ່ວມມືສອງຝ່າຍໃນບັນດາຂົງເຂດການເມືອງ, ການຄ້າ, ການລົງທຶນ, ການສຶກສາ, ຄວາມໝັ້ນຄົງດ້ານພະລັງງານ, ວຽກເຮັດງານທຳ, ການປ້ອງກັນ ແລະ ຕ້ານອາດຊະຍາກຳທາງອິນເຕີເນັດ ແລະ ອາດຊະຍາກຳຂ້າມຊາດ.

        ໃນຂະນະນັ້ນ, ທີ່ການພົບປະກັບທ່ານນາຍົກລັດຖະມົນຕີ ສິງກະໂປ, ສອງຝ່າຍໄດ້ປຶກສາຫາລືກ່ຽວກັບບັນດາມາດຕະການເປີດກວ້າງການຮ່ວມມືປັດຈຸບັນໃນຂົງເຂດສອງປະເທດທີ່ມີຄວາມສາມາດບົ່ມຊ້ອນ. ພ້ອມດຽວກັນນັ້ນ, ສອງຝ່າຍຍັງປຶກສາຫາລືກ່ຽວກັບຄວາມອາດສາມາດຂອງ ກຳປູເຈຍ ໃນການສົ່ງອອກເຂົ້າສານ ແລະ ຜະລິດຕະພັນກະເສດອື່ນໆໄປຍັງ ສິງກະໂປ, ກໍຄື ໂຄງການກໍ່ສ້າງລະບົບສາຍໄຍແກ້ວໃຕ້ທະເລ, ເຊິ່ງເປັນສ່ວນໜຶ່ງຂອງໂຄງການການຄ້າພະລັງງານສີຂຽວລະຫວ່າງສອງປະເທດ.