(vovworld) – ວັນທີ 15/2, ພັກປະຊາຊົນ ກຳປູເຈຍ (CPP) ກຳອຳນາດໄດ້ປະຕິເສດຄຳຮຽກຮ້ອງຂອງຝ່າຍຄ້ານອີກເທື່ອໜຶ່ງ, ພ້ອມທັງຢັ້ງຢືນຈະບໍ່ມີການເລືອກຕັ້ງຄືນໃໝ່. ຕາມໜັງສືພິມ “ກຳປູເຈຍ ໃໝ່” ຄັດສະເໜີຄຳເວົ້າຂອງທ່ານຮອງນາຍົກລັດຖະມົນຕີ Hor Nam Hong ໃຫ້ຮູ້ວ່າ: ທຸກໆຄຳຮຽກຮ້ອງຂອງພັກ ກູ້ຊາດ (CNRP) ຝ່າຍຄ້ານ ພຽງແຕ່ໄດ້ຍົກອອກມາປຶກສາຫາລືເມື່ອພັກນີ້ເຂົ້າຮ່ວມສະພາແຫ່ງຊາດ. ຕາມກົດໝາຍ ແລະ ລັດຖະທຳມະນູນນ ແລ້ວ, ທຸກໆບັນຫາກ່ຽວຂ້ອງເຖິງການເລືອກຕັ້ງຕ້ອງໄດ້ຮັບການປຶກສາຫາລືຢູ່ ສະພາແຫ່ງຊາດ ແລະ ຈະບໍ່ມີການເລືອກຕັ້ງຄືນໃໝ່. ຖະແຫຼງການດັ່ງກ່າວໂດຍເຈົ້າໜ້າທີ່ຂັ້ນສູງ CPP ຍົກອອກມາພາຍຫຼັງປະທານ CNRP ທ່ານ Sam Rainsy ໄດ້ຖະແຫຼງໃນແວບໄຊສັງຄົມຂອງຕົນເມື່ອວັນທີ 14/2 ໂດຍຖືວ່າ: ພັກນີ້ບໍ່ຮັບຮູ້ໝາກຜົນຂອງການເລືອກຕັ້ງເມື່ອເດືອນ 7/2013 ແລະ ຮຽກຮ້ອງຈັດຕັ້ງການເລືອກຕັ້ງຄືນໃໝ່.
ໃນວັນດຽວກັນ, ພັກ CPP ກຳອຳນາດໄດ້ປະກາດວ່າ: ກອງປະຊຸມຄັ້ງໃໝ່ລະຫວ່າງ ກຸ່ມປະຕິບັດງານຂອງ CPP ແລະ CNRP ເພື່ອປຶກສາຫາລືກ່ຽວກັບກົນໄກດຳເນີນການປະຕິຮູບການເລືອກຕັ້ງຈະໄດ້ຈັດຕັ້ງໃນວັນທີ 18/2 ຢູ່ສຳນັກງານສະພາສູງ.