ກຳປູເຈຍມີອະທິປະໄຕ ຕໍ່ເຂດພະວິຫານ Preah Vihear ທັງໝົດ
(ພາບ:soha.vn)
(vovworld)- ວັນທີ 11/11, ສານຍຸຕິທຳສາກົນ (ICJ) ໄດ້ອອກຄຳຕັດສິນວ່າເຂດດິນແດນອ້ອມແອ້ມພະວິຫານ Preah Vihear ແມ່ນຂຶ້ນກັບກຳປູເຈຍ. ຄຳຕັດສິນຂອງ ICJ ສຳລັບຝ່າຍຕ່າງໆແມ່ນຄຳຕັດສິນບັງຄັບ ແລະ ບໍ່ໄດ້ສູ້ຄະດີ.
ພາຍຫຼັງທີ່ສານຍຸຕິທຳສາກົນ (ICJ) ອອກຄຳຕັດສິນກ່ຽວກັບການພິພາດລະຫວ່າງກຳປູເຈຍ ແລະ ໄທ ສຳລັບພະວິຫານ Preah Vihear, ວົງການເຈົ້າໜ້າທີ່ ກໍ່ຄືຫາງສຽງກຳປູເຈຍ ລ້ວນແຕ່ສະແດງຄວາມຊົມເຊີຍ ແລະ ຖືວ່າ: ຄຳຕັດສິນຂອງສານແມ່ນມີຄວາມຍຸດຕິທຳ. ຕາມທ່ານ Phay Siphan ໂຄສົກຂອງສະພາລັດຖະມົນຕີກຳປູເຈຍ ແລ້ວ, ຄຳຕັດສິນຂອງ ICJ ໄດ້ກຳນົດເຂດອ້ອມແອ້ມພະວິຫານ Preah Vihear ແມ່ນຂຶ້ນກັບກຳປູເຈຍ ແລະ ປະຈຸບັນ, ສອງປະເທດກຳປູເຈຍ ແລະ ໄທ ຕ້ອງມີເຈດຕະນາດີທາງດ້ານການເມືອງເພື່ອປະຕິບັດຕາມຄຳຕັດສິນຂອງສານ, ຫລີກບໍ່ໃຫ້ກໍ່ໃຫ້ເກີດລ້ຽງບັນດາການປະທະກັນດ້ານການທະຫານ. ໃນຂະນະນັ້ນ, ທ່ານນາງນາຍົກລັດຖະມົນຕີໄທ ຍິງຮັກ ຊີນນະວັດ ກໍ່ປະກາດສະແດງຄວາມພຶງພໍໃຈຕໍ່ຄຳຕັດສິນຂອງ ICJ.
ຕອນຄຳ່ວັນທີ 11/11, ທ່ານນາຍົກລັດຖະມົນຕີ ກຳປູເຈຍ Hun Sen ມີບົດກ່າວປາໄສທາງໂທລະພາບແຫ່ງຊາດ ກຳປູເຈຍ (TVK), ເພື່ອປະກາດເຖິງປະຊາຊົນທົ່ວປະເທດກ່ຽວກັບເຫດການດັ່ງກ່າວ. ທ່ານນາຍົກລັດຖະມົນຕີ Hun Sen ເນັ້ນໜັກວ່າ: ຄຳຕັດສິນຂອງ ICJ ມີຄວາມໝາຍປະຫວັດສາດອັນໃຫຍ່ຫຼວງ ແລະ ເປັນຂີດໝາຍບາດກ້າວສຳຄັນກ່ຽວກັບຄວາມມານະພະຍາຍາມຂອງລັດຖະບານ ກຳປູເຈຍ ແກ້ໄຂການພິພາດຜືນແຜ່ນດິນກັບໄທຢ່າງສັນຕິພາບໂດຍອີງໃສ່ກົດໝາຍສາກົນ. ທ່ານນາຍົກລັດຖະມົນຕີ Hun Sen ຢືນຢັນ ກຳປູເຈຍ ເຄົາລົບ ແລະ ປະຕິບັດເນື້ອໃນຈິດໃຈຂອງກອງປະຊຸມລັດຖະມົນຕີການຕ່າງປະເທດ 2 ປະເທດໃນວັນທີ 28/10 ຜ່ານມາກ່ຽວກັບການໃຫ້ຄຳໝັ້ນສັນຍາເຄົາລົບ ແລະ ດຳເນີນການປຶກສາຫາລືກົນໄກປະຕິບັດຄຳຕັດສິນຂອງ ICJ. ກຳປູເຈຍ ຈະປະຕິບັດຄຳໝັ້ນສັນຍາພ້ອມກັບໄທ ສະກັດກັ້ນ, ຈຳກັດບັນດາການເຄື່ອນໄຫວທີ່ອາດຈະກໍ່ຄວາມເຄັ່ງຕຶງ, ສືບຕໍ່ຍູ້ແຮງບັນດາການເຄື່ອນໄຫວເພີ່ມທະວີສາຍພົວພັນອັນດີງາມເພື່ອແນໃສ່ສ້າງເຂດຊາຍແດນສັນຕິພາບ, ສະຖຽນລະພາບ ແລະ ຮ່ວມມື. ທ່ານຍົກລັດຖະມົນຕີ Hun Sen ກໍ່ໄດ້ກ່າວຢ້ຳຄືນຄຳຮຽກຮ້ອງກຳລັງປະກອບອາວຸດ ແລະ ປະຊາຊົນ ກຳປູເຈຍ ແລະ ໄທ ຈົ່ງລະງັບໃຈ, ລໍຄອຍໝາກຜົນຂໍ້ຕົກລົງລະຫວ່າງລັດຖະບານ 2 ປະເທດກ່ຽວກັບການປະຕິບັດຄຳຕັດສິນຂອງ ICJ ເພື່ອຮັກສາສັນຕິພາບ, ສະຖຽນລະພາບ.