ກຳປູເຈຍເພີ່ມທະວີຄວາມມານະພະຍາຍາມຕ້ານລັດທິກໍ່ການຮ້າຍ
ທ່ານນາຍົກລັດຖະມົນຕີ ກຳປູເຈຍ Hunsen
(ພາບ: AFP/TTXVN)
(vovworld) - ວັນທີ 21/2, ລັດຖະບານ ກຳປູເຈຍ ໄດ້ຮັບຮອງເອົາດຳລັດວ່າດ້ວຍການປິດລ້ອມ ຊັບສົມບັດຂອງບັນດາບຸກຄົນກໍ່ການຮ້າຍ ແລະ ບັນດາອົງການທີ່ກ່ຽວຂ້ອງເຖິງກໍ່ການຮ້າຍເພື່ອແນໃສ່ເພີ່ມທະວີບັນດາຄວາມມານະພະຍາຍາມຕ້ານລັດທິກໍ່ການຮ້າຍ. ແຈ້ງການຊີ້ແຈ້ງວ່າ: ລັດຖະບານ ກຳປູເຈຍ ເອົາໃຈໃສ່ເປັນພິເສດເຖິງການຕໍ່ສູ້ຕ້ານການເຄື່ອນໄຫວຟອກເງິນ, ສະໜອງການເງິນເພື່ອໜູນຊ່ວຍລັດທິກໍ່ການຮ້າຍ, ດ້ວຍເລື່ອງຍົກອອກກົດໝາຍ ແລະ ບັນດາຂໍ້ກຳນົດ, ປັບປຸງກົນໄກປະຕິບັດກົດໝາຍ. ກຳປູເຈຍ ໄດ້ເຂົ້າຮ່ວມກຸ່ມ ອາຊີ - ປາຊີຟິກ ກ່ຽວກັບການຕ້ານການຟອກເງິນແຕ່ເດືອນ 6/2004 ແລະ ໄດ້ເປັນເຈົ້າການເຂົ້າຮ່ວມພ້ອມກັບປະຊາຄົມໂລກໃນການຕ້ານການຟອກເງິນ ແລະ ສະໜອງການເງິນໜູນຊ່ວຍລັດທິກໍ່ການຮ້າຍ. ຕໍ່ຈາກນັ້ນ, ປີ 2007, ປະເທດນີ້ໄດ້ປະກາດໃຊ້ກົດໝາຍວ່າດ້ວຍການຕ້ານການຟອກເງິນ ແລະ ສະໜອງການເງິນໜູນຊ່ວຍການເຄື່ອນໄຫວກໍ່ການຮ້າຍ.