(vovworld) – ກອງປະຊຸມກວດກາກົດໝາຍວ່າດ້ວຍການບິນພົນລະເຮືອນ (ສະບັບປັບປຸງ) ຖືກຈັດຂຶ້ນໃນຕອນເຊົ້າວັນທີ 18/2, ຢູ່ ຮ່າໂນ້ຍ ໂດຍພາຍໃຕ້ການເປັນປະທານຂອງທ່ານຮອງປະທານສະພາແຫ່ງຊາດ ຫວຽດນາມ ອວງຈູລືວ. ພາຍຫຼັງເກືອບ 7 ປີມີຜົນບັງຄັບໃຊ້, ກົດໝາຍວ່າດ້ວຍການບິນພົນລະເຮືອນ ປີ 2006 ໄດ້ຊຸກຍູ້ການພັດທະນາຂອງຂະແໜງການບິນຢ່າງແຮງ. ເຖິງຢ່າງໃດກໍ່ຕາມ, ຜ່ານການຜັນຂະຫຍາຍ, ກົດໝາຍຍັງມີສິ່ງຈຳກັດ, ຈຳນວນໜຶ່ງ ທີ່ກ່ຽວຂ້ອງເຖິງຄວາມສະຫງົບປອດໄພຂອງການບິນ, ການເຄື່ອນໄຫວກວດກາວິຊາສະເພາະ... ຮ່າງກົດໝາຍວ່າດ້ວຍການບິນພົນລະເຮືອນໄດ້ຮັບການປັບປຸງ, ເພີ່ມເຕີມບາງຂໍ້ມາດຕາໃຫ້ເໝາະສົມກັບກົດໝາຍສາກົນ, ວິວັດທະນາການສ້າງໂຄງປະກອບພື້ນຖານເສດຖະກິດຄືນໃໝ່ ແລະ ເໝາະສົມກັບລັດຖະທຳມະນູນສະບັບໃໝ່.
ກ່ຽວກັບພາກສ່ວນກວດກາການບິນ, ຮ່າງກົດໝາຍໄດ້ປັບປຸງວ່າ: ພາກສ່ວນ “ກວດກາການບິນຂຶ້ນກັບອົງການຄຸ້ມຄອງລັດໂດຍລົງເລິກຂະແໜງການບິນ, ປະຕິບັດພາລະບົດບາດກວດກາວິຊາສະເພາະກ່ຽວກັບການບິນພົນລະເຮືອນ”. ທ່ານດັ້ງດິ່ງລວຽນ, ຮອງຫົວໜ້າກຳມາທິການກົດໝາຍຂອງສະພາແຫ່ງຊາດ ປະກອບຄຳເຫັນວ່າ:
“ພວກຂ້າພະເຈົ້າເຫັນດີຕໍ່ຂໍ້ກຳນົດຂອງຮ່າງກົດໝາຍ. ເພາະວ່າ, ຕາມກົດໝາຍວ່າດ້ວຍການກວດກາແລ້ວ, ພວກເຮົາກຳນົດປະຕິບັດພາລະໜ້າທີ່ກວດກາວິຊາສະເພາະອາດຈະແມ່ນນັກກວດກາຂອງກະຊວງທັງປະຕິບັດການກວດກາວິຊາສະເພາະທັງປະຕິບັດການກວດກາແຫ່ງລັດ. ກຳນົດຄືແນວນັ້ນແມ່ນຈຳເປັນ, ເໝາະສົມກັບຄຳຮຽກຮ້ອງທີ່ມີລັກສະນະສະເພາະຂອງການບິນພົນລະເຮືອນ, ເໝາະສົມສົນທິສັນຍາສາກົນ, ພ້ອມທັງເປັນເອກະພາບຕໍ່ຂໍ້ກຳນົດຂອງກົດໝາຍວ່າດ້ວຍການປັບໃໝລົງໂທດການລະເມີດບໍລິຫານປີ 2012.”