ກຳມາທິການບັນດາ ບັນຫາສັງຄົມປະກອບ ຄວາມເຫັນໃຫ້ກົດໝາຍ ວ່າດ້ວຍແຂ່ງຂັນຍ້ອງຍໍ
(ພາບປະກອບ)
(vov) - ຕອນເຊົ້າວັນທີ 29/9, ຢູ່ນະຄອນ ໂຮ່ຈີມິນ, ກຳມາທິການບັນດາບັນຫາສັງຄົມໄດ້ຈັດວາລະປະຊຸມອະພິປາຍກ່ຽວກັບການປະຕິບັດນະໂຍບາຍ, ກົດໝາຍວ່າດ້ວຍແຂ່ງຂັນຍ້ອງຍໍ. ວາລະປະຊຸມແນໃສ່ຮັບເອົາຄວາມເຫັນເພື່ອກະກຽມໃຫ້ວິວັດການກວດກາຮ່າງກົດໝາຍສະບັບປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍແຂ່ງຂັນ, ຍ້ອງຍໍ. ທ່ານນາງ Truong Thi Mai ຫົວໜ້າກຳມາທິການບັນດາບັນຫາສັງຄົມສະພາແຫ່ງຊາດ, ໃຫ້ຮູ້ວ່າ:
”ຮ່າງກົດໝາຍສະບັບປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍແຂ່ງຂັນ, ຍ້ອງຍໍຈະຍື່ນສະເໜີຕໍ່ສະພາແຫ່ງຊາດໃຫ້ຄວາມເຫັນໃນກອງປະຊຸມສະໄໝເດືອນ 5/2013, ແລະ ຄາດວ່າຈະໄດ້ຮັບຮອງເອົາໃນກອງປະຊຸມສະໄໝເດືອນ 10/2013. ບົນພື້ນຖານຕີລາຄາສະພາບການແຂ່ງຂັນ, ຍ້ອງຍໍ, ຄວາມສະດວກ, ສິ່ງຄົງຄ້າງໃນວິວັດແຫ່ງການປະຕິບັດ ເພື່ອປັບປຸງເພີ່ມເຕີມໃຫ້ກົດໝາຍ ແນໃສ່ແກ້ໄຂ, ສ້າງເງື່ອນໄຂເພື່ອໃຫ້ວຽກງານແຂ່ງຂັນ, ຍ້ອງຍໍນັບມື້ນັບມີປະສິດທິຜົນກວ່າ”