(vovworld) - ຕອນເຊົ້າວັນທີ 22/9, ກຳມາທິການວິທະຍາສາດ ແລະ ເຕັກໂນໂລຊີຂອງສະພາແຫ່ງຊາດຫວຽດນາມ ໄດ້ຈັດກອງປະຊຸມຊັກຖາມລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ແລະ ຜູ້ຕາງໜ້າກະຊວງການເງິນ, ກະຊວງແຜນການ ແລະ ການລົງທຶນ ກ່ຽວກັບບັນຫາທີ່ກ່ຽວຂ້ອງເຖິງການປະຕິບັດໜ້າທີ່ວິທະຍາສາດເຕັກໂນໂລຊີ. ບັນດາສະມາຊິກສະພາແຫ່ງຊາດ ໄດ້ສຸມໃສ່ 4 ກຸ່ມບັນຫາຕົ້ນຕໍ່ນັ້ນແມ່ນ: ລະບົບເອກະສານນິຕິກຳກ່ຽວກັບກົນໄກການເງິນ ແລະ ລະດົມແຫຼ່ງກຳລັງໃຫ້ແກ່ຂົງເຂດວິທະຍາສາດເຕັກໂນໂລຊີ; ເລື່ອງປະຕິບັດນະໂຍບາຍກົດໝາຍ ແລະ ໜ້າທີ່ຮັບຜິດຊອບຂອງບັນດາກະຊວງທ່ີກ່ຽວຂ້ອງໃນການລະດົມ, ຈັດແບ່ງ, ນຳໃຊ້ ແລະກວດກາການປະຕິບັດລາຍຈ່າຍງົບປະມາແຫ່ງລັດ ແລະ ບັນດາແຫຼ່ງເງິນລົງທຶນອື່ນໆໃຫ້ແກ່ຂົງເຂດວິທະຍາສາດ ແລະ ເຕັກໂນໂລຊີ; ທິດທາງ, ມາດຕະການໃໝ່ສຳລັບກົນໄກການເງິນ ແລະ ລະດົມບັນດາແຫຼ່ງກຳລັງລົງທຶນໃຫ້ວິທະຍາສາດ ແລະ ເຕັກໂນໂລຊີ.
ໃນການຕອບຄຳຊັກຖາມເມື່ອຕອນເຊົ້າວັນທີ 22/9, ທ່ານລັດຖະມົນຕີກະຊວງວິທະຍາສາດ ແລະ ເຕັກໂນໂລຊີຫວຽດນາມ Nguyen Quan ໄດ້ຖືວ່າ, ຖ້າຫາກກົດໝາຍວ່າດ້ວຍວິທະຍາສາດ ແລະ ເຕັກໂນໂລຊີ (ສະບັບປັບປຸງ) ຄັ້ງນີ້ໄດ້ຮັບການຮັບຮອງເອົາ, ທາງກະຊວງຈະມອບສິດໃຫ້ບັນດານັກຄຸ້ມຄອງຢ່າງຮີບດ່ອນ ເພື່ອສາມາດມອບໂອນກຳມະສິດໝາກຜົນຂອງການຄົ້ນຄວ້າໃຫ້ບັນດານັກວິທະຍາສາດ.