ກຳລັງປ້ອງກັນຊາຍແດນຫວຽດນາມ - ລາວ ຊຸກຍູ້ການຮ່ວມມື
ພົນຕີ ຫວໍຈ້ອງຫວຽດ, ຜູ້ບັນຊາການທະຫານຊາຍແດນ
ຫວຽດນາມ ຢ້ຽມຢາມ ແລະ ເຮັດວຽກຢູ່ລາວ
(ພາບ: baomoi.com)
(vovworld) - ໃນຂອບເຂດການຢ້ຽມຢາມ ແລະ ເຮັດວຽກຢູ່ລາວ, ວັນທີ 12/11, ຄະນະຜູ້ແທນກອງບັນຊາການທະຫານຊາຍແດນ ໂດຍພົນຕີ ຫວໍຈ້ອງຫວຽດ, ຜູ້ບັນຊາການທະຫານຊາຍແດນເປັນຫົວໜ້າຄະນະ, ໄດ້ມີການເຈລະຈາກັບຄະນະຜູ້ແທນກົມຊາຍແດນ ແລະ ແຜນທີສັງກັດກົມໃຫຍ່ເສນາທິການກອງທັບປະຊາຊົນລາວ, ໂດຍພັນເອກ, ຫົວໜ້າກົມ ພັນພຸດທະວົງ ນຳໜ້າ. 2 ຝ່າຍຢືນຢັນວ່າ ໃນໄລຍະຜ່ານມາ, ໄດ້ມີການສົມທົບກັນເປັນຢ່າງດີຕໍ່ເລື່ອງສຶກສາອົບຮົມປະຊາຊົນ 2 ປະເທດຫວຽດນາມ - ລາວ ປະຕິບັດບັນດາສັນຍາ 2 ຝ່າຍຢ່າງເຂັ້ມງວດ, ພ້ອມກັນເຂົ້າຮ່ວມການປ້ອງກັນຊາຍແດນ; ຈັດຕັ້ງລາຍການແຮກສ່ຽວຊ່ວຍເຫຼືອປະຊາຊົນທີ່ເຂດຊາຍແດນເພື່ອເພີ່ມທະວີຄວາມສາມັກຄີ, ລະມັດລະວັງ ແລະ ເຂົ້າໃຈແຈ້ງກົນອຸບາຍມ້າງເພທຳລາຍຂອງບັນດາກຳລັງທີ່ເປັຍປໍລະປັກ. ຫວຽດນາມ ແລະ ລາວ ໄດ້ຜັນຂະຫຍາຍວຽກງານລາດຕາເວນຢ່າງແໜ້ນແຟ້ນ, ສ້າງເງື່ອນໄຂສະດວກໃຫ້ບັນດາອົງການຈັດຕັ້ງ, ວິສາຫະກິດ, ພົນລະເມືອງ 2 ປະເທດໄປມາຢ້ຽມຢາມຍາດຕິພີ່ນ້ອງ, ໄປທ່ອງທ່ຽວ ແລະ ຮ່ວມມືລົງທຶນ. ໃນໄລຍະຈະມາເຖິງ, 2 ຝ່າຍໃຫ້ຄຳໝັ້ນສັນຍາສືບຕໍ່ປະຕິບັດບັນດາສັນຍາກ່ຽວກັບກົດລະບຽບຊາຍແດນ ແລະ ບັນດາຂໍ້ຕົກລົງທີ່ໄດ້ຮັບການລົງນາມໂດຍໄວຢ່າງເຂັ້ມງວດ ເພື່ອແນໃສ່ສ້າງເຂດຊາຍແດນຂອງ 2 ປະເທດມີສັນຕິພາບ, ມິດຕະພາບ ແລະ ຮ່ວມມືພ້ອມກັນພັດທະນາ.