(VOVWORLD) -ວັນທີ 8 ເມສາ, ຢູ່ນະຄອນຝຸກວກ, ຄະນະກຳມະການປະຊາຊົນ ແຂວງກຽນຢາງ ໄດ້ສົມທົບກັບ ສະຖານທູດ ແລະ ສະຖານກົງສູນ ອິນເດຍ ປະຈຳ ຫວຽດນາມ ຈັດຕັ້ງກອງປະຊຸມສົ່ງເສີມການທ່ອງທ່ຽວຝຸກວກ ແລະ ອິນເດຍ.
ກ່າວຄຳເຫັນທີ່ກອງປະຊຸມ, ທ່ານ ບຸຍກວັກທ໊າຍ, ຫົວໜ້າພະແນກ ທ່ອງທ່ຽວແຂວງກຽນຢາງ ໃຫ້ຮູ້ວ່າ ການທ່ອງທ່ຽວບໍ່ພຽງແຕ່ແມ່ນຂະແໜງເສດຖະກິດສຳຄັນເທົ່ານັ້ນ, ຫາກຍັງປະກອບສ່ວນເຂົ້າໃນການຊຸກຍູ້ການຮ່ວມມືພັດທະນາ, ພົວພັນແລກປ່ຽນ ວັດທະນະທຳ, ການເຊື່ອມໂຍງເຂົ້າກັບສາກົນ, ສ້າງນ້ຳໃຈມິດຕະພາບລະຫວ່າງບັນດາທ້ອງຖິ່ນ ແລະ ບັນດາປະເທດໃນໂລກ, ສະເພາະຂະແໜງທ່ອງທ່ຽວແຂວງກຽນຢາງໃນຊຸມປີຜ່ານມາ ໄດ້ເປີດກວ້າງການເຮ່ວມສຳພັນ, ຮ່ວມມືກັບບັນດາແຂວງ, ນະຄອນທັງຢູ່ພາຍໃນ ແລະ ຕ່າງປະເທດຢ່າງບໍ່ຢຸດຢັ້ງ ໃນນັ້ນມີ ອິນເດຍ.
ທີ່ກອງປະຊຸມ, ທ່ານ ເອກອັກຄະລັດຖະທູດ ອິນເດຍ ປະຈຳ ຫວຽດນາມ Pranay Verma ໄດ້ຕີລາຄາສູງຕໍ່ກອງປະຊຸມສົ່ງເສີມການທ່ອງທ່ຽວ ຝຸກວກ ລະຫວ່າງ ຄະນະກຳມະການປະຊາຊົນແຂວງ ກຽນຢາງ ແລະ ອິນເດຍ, ທ່ານກໍ່ໃຫ້ຄຳໝັ້ນສັນຍາຈະມານະພະຍາຍາມເປັນຂົວເຊື່ອມຕໍ່ເພື່ອຮ່ວມມືພັດທະນາການທ່ອງທ່ຽວລະຫວ່າງ ຝຸກວກ ແລະ ອິນເດຍ.