(vovworld) – ມາຮອດວັນທີ 20/12, ວຽກງານກະກຽມສິນຄ້າ, ວັດຖຸສິ່ງທັງໝົດໃຫ້ກຳປັ່ນຂົນສົ່ງສິນຄ້າເຕັດເຖິງພະນັກງານ, ນັກຮົບ ແລະ ປະຊາຊົນໃນເມືອງເກາະເຈື່ອງຊາ, ແຂວງ ແຄ໋ງຮ່ວາ ໄດ້ສຳເລັດແລ້ວ.
ຕາມພົນຕີ ຫງວຽນວັນທີ້ງ, ຫົວໜ້າຄະນະໂຄສະນາສຶກສາ, ຫ້ອງການການເມືອງກອງພົນນ້ອຍ 146, ສິນຄ້າທັງໝົດ ແລະ ວັດຖຸສິ່ງຂອງທີ່ຈຳເປັນເພື່ອຮັບໃຊ້ບຸນເຕັດໃຫ້ໝູ່ເກາະ ເຈື່ອງຊາ ໄດ້ຂົນຖ່າຍຂຶ້ນກຳປັ່ນແລ້ວ, ໃນນັ້ນມີສິນຄ້າປະເພດຕ່າງໆຄື: ເຂົ້າໜຽວ, ໃບຕອງ, ເສັ້ນລ້ອນ, ເຂົ້າໜົມ, ໜໍ່ໄມ້ແຫງ... ພິເສດ, ໝູ່ເກືອບ 120 ໂຕໂດຍພະນັກງານ, ນັກຮົບຂອງກອງພົນນ້ອຍ 146 ລ້ຽງເອງກໍ່ໄດ້ມອບໃຫ້ບັນດານັກຮົບໃນເກາະແຫ່ງຕ່າງໆເນື່ອງໃນໂອກາດນີ້:
“ພວກຂ້າພະເຈົ້າໄດ້ກະກຽມພື້ນຖານດ້ານວັດຖຸ, ຈິດໃຈເພື່ອໃຫ້ພະນັກງານ, ນັກຮົບໃນໝູ່ເກາະໄດ້ຕ້ອນຮັບປີໃໝ່ຄືຢູ່ໃນເຂດດິນຕໍ່ແຜ່ນ. ສິ່ງດັ່ງກ່າວສ້າງບັນຍາກາດອົບອຸ່ນໃຫ້ອ້າຍນ້ອງພະນັກງານ, ນັກຮົບ, ພັນກັບທະເລ, ເກາະບ້ານເກີດເມືອງນອນ ແລະ ກົມກອງ, ຊ່ວຍໃຫ້ພະນັກງານ, ນັກຮົບຢູ່ເຂດໝູ່ເກາະອຸ່ນອ່ຽນໃຈປະຕິບັດງານ, ກຳນົດໜ້າທີ່ໄດ້ຮັບມອບໝາຍຢ່າງລະອຽດກ່ວາ.”
ດ້ວຍຄວາມເອົາໃຈໃສ່ຂອງປະຊາຊົນດິນຕໍ່ແຜ່ນ ພ້ອມກັບຄວາມມານະພະຍາຍາມຜ່ານຜ່າຄວາມຫຍຸ້ງຍາກຂອງພະນັກງານ, ນັກຮົບໃນໝູ່ເກາະ, ບຸນປີໃໝ່ປະຈຳຊາດປີມະເສັງປີນີ້, ພະນັກງານ, ນັກຮົບ ແລະ ປະຊາຊົນໃນໝູ່ເກາະ ເຈື່ອງຊາ ຈະດຳເນີນໄປຢ່າງລອບຄອບຖີ່ຖ້ວນ, ມີຄວາມມ່ວນຊື່ນຫຼາຍຢ່າງ, ດ້ວຍຈິດໃຈ “ມ່ວນຊື່ນ, ໂປ່ງໃສ, ປອດໄພ, ປະຢັດ ແລະ ກຽມພ້ອມຕໍ່ສູ້ສູງ”.