(vovworld) – ທ່ານນາຍົກລັດຖະມົນຕີຫາກໍ່ເຊັນປະກາດໃຊ້ດຳລັດກຳນົດຢ່າງລະອຽດກ່ຽວກັບການ ປະຕິບັດບາງຂໍ້ມາດຕາຂອງກົດໝາຍວ່າດ້ວຍແຮງງານກ່ຽວກັບຄົນງານຕ່າງປະເທດເຮັດວຽກຢູ່ ຫວຽດນາມ. ດຳລັດກຳນົດລະອຽດການປະຕິບັດກົດໝາຍວ່າດ້ວຍແຮງງານ ກ່ຽວກັບການອອກໃບອະນຸຍາດອອກແຮງງານໃຫ້ຄົນງານຊາວຕ່າງປະເທດ ເຮັດວຽກຢູ່ ຫວຽດນາມ, ເລື່ອງເນລະເທດຄົນງານຊາວຕ່າງປະເທດເຮັດວຽກຢູ່ ຫວຽດນາມ ທີ່ບໍ່ມີໃບອະນຸຍາດອອກແຮງງານອອກຈາກປະເທດ. ດຳລັດກຳນົດກ່ຽວກັບການອອກໃບອະນຸຍາດອອກແຮງງານ, ອອກໃບອະນຸຍາດອອກແຮງງານຄືນໃໝ່, ເນລະເທດຄົນງານຕ່າງປະເທດບໍ່ມີໃບອະນຸຍາດອອກແຮງງານອອກຈາກປະເທດ. ຕາມນັ້ນແລ້ວ, ດຳລັດກຳນົດຕຳແໜ່ງໄດ້ນຳໃຊ້ຄົນງານຕ່າງປະເທດ. ແຕ່ລະປີ, ຜູ້ນຳໃຊ້ຄົນງານ (ຍົກເວັ້ນນັກປະມູນ) ມີຄວາມຮັບຜິດຊອບກຳນົດຄວາມຕ້ອງການນຳໃຊ້ຄົນງານຕ່າງປະເທດສຳລັບແຕ່ລະຕຳແໜ່ງວຽກງານເຊິ່ງຄົນງານ ຫວຽດນາມ ບໍ່ທັນຕອບສະໜອງໄດ້ ແລະ ລາຍງານອະທິບາຍຕໍ່ປະທານຄະນະກຳມະການປະຊາຊົນແຂວງ, ນະຄອນຂຶ້ນກັບສູນກາງ, ບ່ອນທີ່ຜູ້ນຳໃຊ້ຄົນງານຕັ້ງສຳນັກງານ. ດຳລັດມີຜົນສັດສິດແຕ່ວັນທີ 1/11/2013.