(vovworld) ກົມການຄ້າເອເລັກໂຕນິກ ແລະ ເຕັກໂນໂລຢີຂໍ້ມູນຂ່າວສານ ສັງກັດ ກະຊວງອຸດສາຫະກຳ - ການຄ້າຫວຽດນາມ ຫາກໍສົມທົບກັບພະແນກອຸດສາຫະກຳ - ການຄ້າແຂວງ ຟູ໋ອຽນ ຈັດຕັ້ງກອງປະຊຸມສຳມະນາ ດ້ວຍຫົວຂໍ້ວ່າ “ຂຸດຄົ້ນທ່າໄດ້ປຽບດ້ານການຄ້າເອເລັກໂຕນິກ ກັບວິສາຫະກິດ ໃນເງື່ອນໄຂເຊື່ອມໂຍງເຂົ້າກັບເສດຖະກິດສາກົນ”. ບັນດາຜູ້ແທນຕີລາຄາວ່າ: ປະຈຸບັນ, ຫວຽດນາມ ມີຄວາມສາມາດບົ່ມຊ້ອນຫຼາຍຢ່າງໃນການຂຸດຄົ້ນການຄ້າເອເລັກໂຕນິກໃນການຜະລິດ ດຳເນີນທຸລະກິດ. ແຕ່ເຖິງຢ່າງໃດກໍຕາມ, ເລື່ອງນຳໃຊ້ຂໍ້ມູນເອເລັກໂຕນິກ ປະຈຸບັນພວມປະເຊີນໜ້າກັບຮົ້ວກິດແຂວງໃຫຍ່ ແມ່ນລະບົບແຈກຢາຍບໍ່ທັນແຂງແຮງ ແລະ ຍັງບໍ່ທັນຊຳນິຊຳນານ. ໄປຄຽງຄູ່ກັນນັ້ນ, ບັນດາວິສາຫະກິດກໍຍັງບໍ່ທັນສ້າງຄວາມໄວ້ເນື້ອເຊື່ອໃຈຕໍ່ຜູ້ອຸປະໂພກບໍລິໂພກ ເມື່ອຂາຍສິນຄ້າຜ່ານອີນເຕີເນັດ. ທ່ານ Nguyen The Quang, ຮອງຫົວໜ້າກົມການຄ້າ ເອເລັກໂຕນິກ ແລະ ເຕັກໂນໂລຢີຂໍ້ມູນຂ່າວສານ ສັງກັດກະຊວງອຸສາຫະກຳ - ການຄ້າຫວຽດນາມ ໃຫ້ຮູ້ວ່າ:
“ພວກຂ້າພະເຈົ້າຈະສະເໜີຕົວປະຕູຖານຂໍ້ມູນເອເລັກໂຕນິກແຫ່ງຊາດ vncharm. ພ້ອມທັງຍົກລະດັບ ekip ເຊິ່ງແມ່ນຄຸນລັກສະນະໃໝ່ ທີ່ສະດວກສະບາຍໃຫ້ແກ່ວິສາຫະກິດ, ສາມາດເປີດຮ້ານຂາຍ ຫຼື ສ້າງ ເວັບໄຊໂດຍບໍ່ເສຍຄ່າ ຫຼືຖ້າເສຍຄ່າກໍບໍ່ຫຼາຍ ໃຫ້ແກ່ວິສາຫະກິດ. ດັ່ງນັ້ນເລື່ອງເຂົ້າຮ່ວມ ekip ນີ້ຈະຊ່ວຍຫຼຸດຜ່ອນຄ່າໃຊ້ຈ່າຍໃຫ້ແກ່ວິສາຫະກິດຫຼາຍທີ່ສຸດ”