(vovworld) - ທ່ານນາງນາຍົກລັດຖະມົນຕີອັງກິດ Theresa May ໃຫ້ຮູ້ວ່າ, ຈະບໍ່ສາມາດຮັບຮອງເອົາຂໍ້ຕົກລົງການຄ້າໃໝ່ກັບສະຫະພາບເອີລົບ (ອີຢູ) ໃນຮອບເວລາ 2 ປີ, ສິ່ງດັ່ງກ່າວໝາຍຄວາມວ່າ, ຂໍ້ຕົກລົງການຄ້າເສລີລະຫວ່າງອັງກິດ - ອີຢູ ຈະບໍ່ສາມາດໄດ້ຮັບການຮັບຮອງເອົາເມື່ອອັງກິດ ຖອນອອກຈາກອີຢູ (Brexit) ໃນເດືອນ 03/2019. ກ່າວຄຳເຫັນຕໍ່ ສື່ມວນຊົນໃນການໄປຢ້ຽມຢາມ ຈໍແດນ, ທ່ານນາງນາຍົກລັດຖະມົນຕີ Theresa May ໃຫ້ຮູ້ບັນດາບັນຫາລະອຽດທີ່ກ່ຽວຂ້ອງເຖິງສັນຍາການຄ້າລະຫວ່າງອັງກິດ - ອີຢູ ແລະ ເລື່ອງຮັບຮອງເອົາສັນຍາດັ່ງກ່າວຈະຕ້ອງແກ່ຍາວ ພາຍຫຼັງອັງກິດ ຖອນອອກຈາກອີຢູ ຢ່າງເປັນທາງການ. ທ່ານນາງນາຍົກລັດຖະມົນຕີ Theresa May ຢືນຢັນວ່າ, ອັງກິດ ແລະ ອີຢູ ຕ້ອງມີໄລຍະການປ່ຽນແປງເພື່ອຊ່ວຍໃຫ້ບັນດາວິສາຫະກິດມີເວລາເພື່ອດັດປັບໃຫ້ເໝາະສົມກັບການພົວພັນຄູ່ຮ່ວມມືໃໝ່ລະຫວ່າງອັງກິດ - ອີຢູ.