ຂັບເພງຊາດກ່ອນທີ່ໄປຫາປາຢູ່ເຂດໝູ່ເກາະຮ່ວາງຊາ
(ພາບປະກອບ)
(vovworld) - ສຳລັບຊາວປະມົງແລ້ວ, ຮ່ວາງຊາ ແມ່ນເຂດຫາປາທີ່ເປັນມູນເຊື້ອ. ໃນຊຸມມື້ຕົ້ນລະດູບານໃໝ່, ບັນດາຊາວປະມົງໄດ້ອອກທະເລໄປຫາປາຢູ່ເຂດໝູ່ເກາະ ຮ່ວາງຊາ, ດ້ວຍຄວາມຫວັງວ່າ, ການຫາປາໃນປີລະການີ້ຈະຮັບຜົນດີທີ່ສຸດ. ນັບແຕ່ຮຸ່ງເຊົ້າວັນທີ 4/2, ກຳ່ປັ່ນຫາປານັບຮ້ອຍລຳທີ່ປະດັບປະດາທຸງແດງດາວເຫຼືອງ, ປ້າຍຄຳຂວັນຢ່າງສວຍງາມຂອງຊາວປະມົງຕາແສງ ບິ່ງເຈົາ, ເມືອງບິ່ງເຊີນ, ແຂວງ ກວາງຫງາຍ ໄດ້ເຕົ້າໂຮມກັນຢູ່ປາກທະເລ ຊາກີ່ ເພື່ອເຂົ້າຮ່ວມພິທີເດີນທາງໄປຫາປາຢູ່ທະເລຍາມຕົ້ນປີ. ບັນດາເຈົ້າຂອງກຳ່ປັ່ນຢືນກົງໃຕ້ຄັນທຸງສີແດງດາວເຫຼືອງພ້ອມກັນຂັບເພງຊາດ. ຊາວປະມົງ ຫງວຽນຊິງແບ່ງ, ເຈົ້ຂອງກຳ່ປັ່ນຫາປາໝາຍເລກ QNg-90396 TS, ແບ່ງປັນວ່າ:
“ບົດເພງຊາດໄດ້ສ້າງກຳລັງໜູນໃຫ້ສະມາຊິກແຕ່ລະຄົນໃນສະມາຊີບຫາປາ. ແຕ່ລະເທື່ອເມື່ອອອກໄປທະເລຫາປາຢູ່ເຂດໝູ່ເກາະຮ່ວາງຊາ ແລະ ເຈື່ອງຊາ, ກຳ່ປັ່ນຂອງພວກຂ້າພະເຈົ້າກໍ່ລ້ວນແຕ່ປັກທຸງຊາດ. ພວກຂ້າພະເຈົ້າແມ່ນບັນດາຜູ້ສືບທອດພາລະກິດຂອງບັນພະບຸລຸດ ໄປຂຸດຄົ້ນ, ຫາປາຢູ່ເຂດທະເລທີ່ເປັນມູນເຊື້ອນັ້ນເພື່ອສ້າງລາຍຮັບໃຫ້ແກ່ຄອບຄົວ, ສ້າງຄວາມຮັ່ງມີໃຫ້ແກ່ບ້ານເກີດເມືອງນອນ, ຮັກສາອະທິປະໄຕ ແລະ ສິດອະທິປະໄຕທະເລເກາະທີ່ສັກກະລະບູຊາຂອງປະເທດຊາດໄວ້ຢ່າງໝັ້ນຄົງ“.