ຂະບວນການແຂ່ງຂັນໃນໝູ່ປະຊາຊົນຊາວເຜົ່າສ່ວນໜ້ອຍປະກອບສ່ວນຍົກສູງນຳ້ໃຈສາມັກຄີ
(ກອງປະຊຸມແຂ່ງຂັນຮັກຊາດໄລຍະ 2011-2015)
(vovworld) - ກ່າວຄວາມເຫັນທີ່ກອງປະຊຸມແຂ່ງຂັນຮັກຊາດໄລຍະ 2011-2015 ຂອງຄະນະກຳມະການຊົນເຜົ່າ, ເຊິ່ງດຳເນີນໃນຕອນເຊົ້າວັນທີ 23/9. ທ່ານປະທານສະພາແຫ່ງຊາດ ຫງວຽນຊິງຮຸ່ງ ຮຽກຮ້ອງປະຊາຊົນບັນດາເຜົ່າ ສືບຕໍ່ເສີມຂະຫຍາຍບັນດາຂະບວນການແຂ່ງຂັນ, ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ; ສາມັກຄີໃນປະຊາຄົມ ເພື່ອປັບປຸງ ແລະ ຍົກສູງຊີວິດທາງດ້ານວັດຖຸ ແລະ ຈິດໃຈ:
“ນີ້ແມ່ນບັນດາແບບຢ່າງທີ່ກ້າວໜ້າ. ພວກເຮົາຕ້ອງທະວີຄູນ ແລະ ຂະຫຍາຍບັນດາແບບຢ່າງທີ່ດີເດັ່ນນີ້ຕື່ມອີກ, ເພື່ອຈັດຕັ້ງເປັນຂະບວນການແຂ່ງຂັນ. ຍ້ອນພັກນຳພາ, ລັດຄຸ້ມຄອງ, ການນຳຄະນະກຳມະການຊົນເຜົ່າທັງເປັນເສນາທິການ, ທັງຄຸ້ມຄອງ, ດັ່ງນັ້ນຖັນແຖວຜູ້ທີ່ເຮັດວຽກງານຊົນເຜົ່າຈາກຂັ້ນສູນກາງລົງຮອດຂັ້ນທ້ອງຖີ່ນຕ້ອງເປັນກຳລັງເປັນເສນາທິການທີ່ໜ້າໄວ້ເນື້ອເຊື່ອໃຈຂອງພັກ, ເພື່ອໃຫ້ບັນດາຂະບວນການແຂ່ງຂັນຂອງຊາວເຜົ່າສ່ວນໜ້ອຍເຄື່ອນໄຫວຢ່າງຕັ້ງໜ້າ, ຈາກນັ້ນນຳມາເຊິ່ງຜົນປະໂຫຍດໃຫ້ປະຊາຊົນບັນດາເຜົ່າ“.
ໃນ 5 ປີຜ່ານມາ, ໝູ່ຄະນະ, ສ່ວນບຸກຄົນໃນຄະນະກຳມະການຊົນເຜົ່າ ແລະ ຊາວເຜົ່າສ່ວນໜ້ອຍ ໄດ້ຕັ້ງໜ້າສະໜັບສະໜູນຂະບວນການແຂ່ງຂັນຮັກຊາດ. ໄລຍະ 2011-2015 ໄດ້ນຳບັນດານະໂຍບາຍຊົນເຜົ່າເຂົ້າໃນຊີວິດການເປັນຢູ່, ເຮັດໃຫ້ໂສມໜ້າເຂດຊົນເຜົ່າ ແລະ ເຂດພູດອຍມີການປ່ຽນແປງ, ກວ່າ 98% ຈຳນວນຕາແສງມີທາງຄົມມະນາຄົມໃຫ້ລົດໂອໂຕໄປຍັງໃຈກາງຕາແສງ; ເກືອບ 100% ຈຳນວນຕາແສງ ແລະ 95% ຈຳນວນບ້ານມີໄຟຟ້າຈາກຕາໜ່າງໄຟຟ້າແຫ່ງຊາດ.